Levitikọs 2:4 - Edo Bible (E Baibol Ẹdo) Version 1996

⁴ A deghẹ ebrẹd ne a ru vbe aroewu nọ ighẹ nene emwi izọese nii, a ghẹ rhie eyist yọ. Ọ sẹtin gha re ebrẹd ne ọ mwẹ imi ne a ya irhuarhua ne a ye ofigbọn ọliv gbe, ra ne fẹrhẹfẹrhẹ ne a ye ofigbọn ọliv woo.

Levitikọs 2:4 ပူးပေါင်းရင်းမြစ်များ

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Ẹksọdọs 12:8

Vbe asọn nii, te a gha tọn ẹn vbe erhẹn, a ghi ye ebrẹd ne ọ ma huẹ kevbe oriwo rriọe.

Ẹksọdọs 16:31

Ivbi Izrẹl ke gha tie nene evbare mana. Ọ keghi yevbe ighọn akọnifua, ọ ke gha fuọfua, ọ ghi yevbe ebrẹd fẹrhẹfẹrhẹ ne a ya owọn ru.

Ẹksọdọs 29:2

U ghi vbe viọ ebrẹd ne ọ ma hue, ebrẹd ne eyist i ye kevbe ebrẹd eso ne a ye ofigbọn oliv ru, kevbe ebrẹd nọ ma hue ne parha ne a tu ofigbọn yan. Igharhuarhua ọghe ọka irhuarhua ne ọ wa ma ọre a gha ya ru ẹe.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Ezikiẹl 46:20

Ọ wẹẹ, “Emwa na ọ re avbe ohẹn na le emiowo ne emwa do ya zọọ ese ye orukhọ ra ne iran do ya haa osa, evba ọ re iran na vbe le eka ọghe irhuarhua, ne a ghẹ miẹn ehe na mu emwikemwi nọhuanrẹn ladian gha rrie ẹghodo ore, ne ọ ghẹ ya kuan avbe emwa.”

Levitikọs 1:11

Ọ ghi gbe ẹe vbe odẹ okuọ ọghe aka, ohẹn ghi rhurhẹ esagiẹn ọnrẹn ye igienenẹ ọghe aka.

Levitikọs 10:12

E Mosis keghi khama Errọn ke ẹe kevbe ivbi ẹre eva ni dekẹe, Eliaza kevbe Itama wẹẹ, “Wa rhie ne ọ dekẹ rre vbe uwu izọhẹ ọka ọghe evbare ne a rhie gie Nọyaẹnmwa ne uwa ru ebrẹd ne ọma hue, ne uwa rri ọe vbe ọkpẹn aka rhunmwuda izọhẹ na, ne ọ huansẹ wa nọ.

Levitikọs 7:12

Ọmwa gha zẹ ọhẹ na do ya kpọnmwẹ Osanobua, ọ ghi mu ebrẹd ne a ma ye eyist gbe lele aranmwẹ nii gha dee, ọ sẹtin gha re ududu ne a ya irhuarhua ne a ya ofigbọn ọliv gbe ru, ra ne fẹrhẹfẹrhẹ ne a ya ofigbọn woo, ra ebrẹd ne a ya irhuarhua ne a ya ofigbọn ọliv gbe ru.

Nọmbas 6:15

Ọ ghi mu okhuae ọkpa ọghe ebrẹd ne a ma ya eyist le rre: ududu ebrẹd ne a ya irhuarhua ne a ya ofigbọn oliv gbe le, kevbe ebrẹd ne fẹrhẹfẹrhẹ ne a ya ofigbọn oliv lọọ, do deba inu ọka kevbe ayọn izẹọhẹ ne a ghi mwa yọ.

Matiu 26:38

Rẹn keghi tama iran wẹẹ, “Obalọ ekhọe mwẹ wo vbe egbe sẹ ne ọ ye ọmwa sa hẹ nian, wa mudia mwa ne uwa gunmwẹ gha ba odẹ.”

Iyẹn ne ọ Maan Ọghe Jọn 12:27

“Ekhọe mwẹ wa rhia nian, vbe i a ra miẹn ta yi, te I ghẹ ghi kha wẹẹ, ‘Erha mwẹ ghẹ gie emwi na rruan mwẹ?’ Sokpan, rhunmwuda ọnii ọre I na rre ne I miẹn ehe na do ya egbe miẹn oya na.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.

I Pita 2:22

Ọ ma ru a i ghẹ ru, a ma vbe miẹn ọmwa ne ọ họẹn ẹmwẹ ohoghe ọkpa vbe unu ẹnrẹn.