Levitikọs 2:3 - Edo Bible (E Baibol Ẹdo) Version 1996

³ Ni ghi dekẹe vbe emwi imuohan ọghe ọka nii, avbe ohẹn ne ivbi Errọn ọre ọ ghi yaẹn, emwi ne ọ huansẹ ẹsẹse wa nọ rhunmwuda usun evbare ne a ya fi ohan ne Nọyaẹnmwa nọ.

Levitikọs 2:3 ပူးပေါင်းရင်းမြစ်များ

Ẹzra 2:63

Ovbi e Ju ne ọ khaemwisẹ keghi tama iran wẹ ne iran ghẹ rri evbare ne a ya yo imuohan gie Osa, a te do miẹn ohẹn ne ọ guara lo Urim kevbe Tumin.

Ẹksọdọs 29:37

U ghi ru ọna ẹdẹgbegbe la ikpẹdẹ ihinrọn, ẹghẹ nii aka ghi do huan fo fẹẹrẹ. Ọmwaikọmwa, ra emwikemwi ne ọ ghi dekan rẹn ghi miẹn ikuangbe rhunmwuda ẹtin uhuanmwẹ ọnrẹn nii.

Ezikiẹl 44:29

Ọka imuohan, imuohan ye orukhọ, kevbe imuohan a hae werriegbe ọrọre evbare avbe ohẹn. Emwi hia ne a ghi zẹ kọ ne imẹ nẹ vbe Izrẹl, iran ọ re ọ kere ne ọ gha viọ ẹre.

Ezikiẹl 46:20

Ọ wẹẹ, “Emwa na ọ re avbe ohẹn na le emiowo ne emwa do ya zọọ ese ye orukhọ ra ne iran do ya haa osa, evba ọ re iran na vbe le eka ọghe irhuarhua, ne a ghẹ miẹn ehe na mu emwikemwi nọhuanrẹn ladian gha rrie ẹghodo ore, ne ọ ghẹ ya kuan avbe emwa.”

Levitikọs 10:15

Iran gha viọ owẹ ọre kevbe ewẹn ọnrẹn rre zẹ vbe ọhẹ kpataki vbe ẹghẹ ne a ya mu ẹvbi ẹre gie Nọyaẹnmwa zẹ vbe izọhẹ evbare. Ehe ne a kha vbo na, wẹ vbe ivbi uẹ ọre ọ yan rẹn ẹdẹdẹmwẹdẹ zẹ vbene Nọyaẹnmwa khare.”

Levitikọs 14:13

Ọ ghi gbe ovbi ohuan amwẹ nii vbe ehe ne a na gbele aranmwẹ ese orukhọ ke ọghe ese ne a giẹn uan. Ọ ghi ru ẹe vberriọ, rhunmwuda, izọese a hae werriegbe, zẹ vbene ese orukhọ vbe ye, avbe ohẹn ọre ọ yanrẹn, emwi ne ọ huanrẹn ẹsẹse ọre nọ.

Levitikọs 2:10

Ni ghi dekẹe vbe emwi iha oko nii, ọghe avbe ohẹn nọ, emwi ne ọ huansẹ ẹsẹse wa nọ vbene a na miẹn wẹ evbare ne a ya haoko gie Nọyaẹnmwa ọre a na rhie ẹre rre.

Levitikọs 21:22

Ọmwa vberriọ sẹtin rri evbare ne a ya zẹ ọhẹ mẹ kevbe evbare izẹọhẹ ne ọ huanrẹn kevbe izẹọhẹ evbare ne ọ huanrẹn ẹsẹse.

Levitikọs 5:13

Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe. Irhuarhua ni ghi dekẹe, ọghe ohẹn nọ, zẹ vbene ovbe ye vbe ọghe izẹọhẹ ọka.”

Levitikọs 6:26

Ohẹn ne ọ ya aranmwẹ nii zọọ ese ghi rri ọe vbe ehe ne ọ huanrẹn, vbe orere Owa Ukpon Nọyaẹnmwa.

Levitikọs 6:9

Ne ọ viọ avbe uhi na ne Errọn kevbe avbe ivbi ẹre vbe ekpa ese ne a giẹn uan fo. “A ghi gha sẹ ese na giẹn uan rae ye aka la asọn hia, a ghi gie erhẹn nii gha baa.

Levitikọs 7:7

“Emwamwa ọkpa ọre ọ rre ẹmwẹ izẹọhẹ orukhọ kevbe izẹọhẹ a hae werriegbe, ohẹn ne ọ zọ ese nii ọre ọ yan emiowo nii.

Levitikọs 7:9

Izẹọhẹ ọka hia ne a fian ẹn vbe aroewu ra vbe ọkpan ra vbe uwawa, ohẹn ne ọ ya ẹe zọhẹ ne Nọyaẹnmwa ọre ọ yan rẹn.

Nọmbas 18:9

Avbe izẹọhẹ nọhuansẹ ehia, ne a ma giẹn uan vbe aka, ne ọ re ọ wuẹ vbọ ọre ena khin: izẹọhẹ ọka, izọese orukhọ, izẹ ọhẹ ahaewerriegbe. Emwi hia ne a viọ gunmwẹ ze vbe emwi ihaoko nọhuanrẹn ọghe uwẹ kevbe ivbi uẹ nọ.

I Samuẹl 2:28

I keghi hannọ ẹgbẹe ọghe ọe zẹ, vbe uwu ẹwae ni rre Izrẹl hia ne iran gha re ohẹn mwẹ, ne iran gha ga vbe Ogiukpo, ne iran gha giẹn eturari kevbe ne iran gha rhuan adaghọ ya nọ mwẹ ọta. I kevbe rhie asẹ ne iran, ne iran gha ghae vbe emwi ne a giẹn uan vbe aka.