Levitikọs 2:15 - Edo Bible (E Baibol Ẹdo) Version 1996

¹⁵ Wa ghi rhie ofigbọn ọliv kevbe eturari ba ẹre.

Levitikọs 2:15 ပူးပေါင်းရင်းမြစ်များ

Ẹksọdọs 29:2

U ghi vbe viọ ebrẹd ne ọ ma hue, ebrẹd ne eyist i ye kevbe ebrẹd eso ne a ye ofigbọn oliv ru, kevbe ebrẹd nọ ma hue ne parha ne a tu ofigbọn yan. Igharhuarhua ọghe ọka irhuarhua ne ọ wa ma ọre a gha ya ru ẹe.

Ẹksọdọs 30:34

E Nọyaẹnmwa tama e Mosis wẹẹ, “Viọ avbe emwi ne ọ winhin ne I ra sunu yi na umwọmwẹ vbe ọkpọkpa, estakt, oinkia, galbanum, kevbe eturari ne a ma gua.

Levitikọs 2:1

“Omwa gha yo imuohan ọka gie Nọyaẹnmwa, ọ ghi ka dunmwu ẹre irhuarhua nẹ, ọ ghi sa ofigbọn ọliv kevbe eturari ba ẹre.

Levitikọs 2:14

Wa gha viọ emwi iha oko ọghe ọka ne uwa ka gha rhọ gie Nọyaẹnmwa, wa ghi ya emwiokọ ne a tọẹn ha oko ra evbare ne a lọ ẹe.

Levitikọs 2:16

Ohẹn ghi giẹn ekherhe ne a rhie vbọ kevbe ofigbọn, ne ọ gha re ama kevbe eturari hia zẹ vbe iha oko evbare gie Nọyaẹnmwa.

Levitikọs 5:11

“A deghẹ obọ ọmwa ma gba idu eva ra elikhukhu eva, ọ ghi mu uwan irhuarhua ọkpa rre ne ọ ya zọ ese ye orukhọ. We ne ọ ghẹ sa ofigbọn ọliv yọ ra eturari, rhunmwuda ẹ i re izọhẹ ọghe ọka sokpan izọhẹ orukhọ nọ.

Nọmbas 15:4

Ọmwa ne ọ rhirhi zẹ ọhẹ vberriọ gie Nọyaẹnmwa ọ ghi vbe viọ izẹọhẹ ọka, ra uwan ẹlubọ eva ne a ye ago eva ọghe ofigbọn oliv gbe lelẹe rre. Ọ gha vbe zọ ese na giẹn uan, ọ ghi vbe mu ọgọ ayọn eva lele ovbi ohuan ọkpọkpa rre.