Levitikọs 2:13 - Edo Bible (E Baibol Ẹdo) Version 1996

¹³ Wa ghi ya umwẹ ye ọka hia ne uwa ya ha oko gie Nọyaẹnmwa rhunmwuda te umwẹ mudia ye ihe ile ne uwa vbe Osanobua ta ne egbe wa ghi gha ya umwẹ ye emwi iha oko hia.

Levitikọs 2:13 ပူးပေါင်းရင်းမြစ်များ

II Krọnikol 13:5

Wa ma rẹn wẹ ile etẹbitẹ ọ re Nọyaẹnmwa gu e Devid ta wẹ rẹn kevbe ivbi ẹre ọ re ọ gha rriọba yan Izrẹl ẹdẹdẹmwẹdẹ.

Ẹzra 7:22

Sokpan ne ọ ghẹ bun gberra uwan esiliva iyisẹn isẹn yan arriaisẹn ihinrọn (7,500) okhuae ọka iyisẹn isẹn (500), e galọn ayọn ekigbesiyeha yan iyisẹn isẹn (550), egalọn ẹvbi oliv ekigbesiyeha yan arriaisẹn isẹn (5,050) deba umwẹ vbene iran gualọe yi.

Ẹksọdọs 30:35

Ya ehia ru emwi ne ọ winhin zẹ vbene iran ni ru emwi ni winhin ne a ya wuo ru ẹe, a ghi ya umwẹ yọ, ya ẹe khian ne ẹ i mwẹ iruẹn kevbe ne ọ huanrẹn.

Ezikiẹl 43:24

U ghi viọ iran bu mwẹ gha dee. Avbe ohẹn ghi zẹ umwẹ ku iran, iran ghi gien iran an zẹ vbe emwi ne a ya zọọ ese ghe mwẹ.

Nọmbas 18:19

“Emwi izẹọhẹ kpataki hia ne ivbi Izrẹl viọ gunmwẹ, I ya ẹe fi ohan ne uwẹ kevbe avbe ivbuẹ ne ikpia kevbe ne ikhuo ẹdẹdẹmwẹdẹ. Ile ne ai gbe obọ rra ne I gu uwẹ kevbe ivbuẹ ta ọ re ọna khin.”

Matiu 5:13

“Wa ọrọre umwẹ agbọn, a deghẹ orhiẹnrhiẹn umwẹ fafaa, a i miẹn emwi ne a gha ya ru ẹe ne ọ dọlegbe gha rhiẹnrhiẹn, ọ la ọrhiae rrie nẹ. Te a ghi ra mu ẹn kua ne emwa gha ya owẹ rri ẹe mu otọ.

Kọlose 4:6

Wa gie ẹmwẹ uwa gha re ne ọ maa kevbe ne ọ rhiẹnrhiẹn vbe ehọ ẹghẹ hia, wa ghi vbe gua ra gha rhie ewanniẹn ne ọ gua ẹe ro ne emwa hia.