Levitikọs 2:12 - Edo Bible (E Baibol Ẹdo) Version 1996

¹² Wa ghi ha oko ọka ne uwa ka gha rhọ gie Nọyaẹnmwa ukpukpo, sokpan a ghẹ giẹn ọnrẹn vbe aka.

Levitikọs 2:12 ပူးပေါင်းရင်းမြစ်များ

Gẹnẹsis 23:17

Erriọ ọre ewe ne ọ te re ọghe Efrọn vbe Makpẹla ne ọ rre odẹ ahọ ọghe Mamrẹ do ya khian ọghe Ebraham. Ọ keghi dẹ otọe nii kẹe kevbe uvun okuta ne ọ rrọọ, kevbe erhan hia nii rre otọe nii ya sẹ eke ne ọ ghi sẹ.

II Krọnikol 31:5

Ọ ghi wa ta ẹmwẹ na ne ọwarọkpa, ivbi Izrẹl kegha viọ emwi ihaoko iran rre emwiokọ ni mose sẹẹ, ayọn, ẹvbi oliv, owọn, kevbe avbe emwi ọvbehe ne a rhọ vbe ugbo, iran kevbe gha viọ a ghae ye igbe ọghe emwi ne iran mwẹ hia rre.

Ẹksọdọs 22:29

Ghẹ mwẹ u ma gha viọ imuohan gun mwẹ vbe ọka ruẹ, ayọn ruẹn kevbe ofigbọn oliv ruẹ vbe ẹghẹ a sẹ ẹe. Wa ghi gha ya ivbi uwa ne ikpia ne ọdiọn fiohan mẹ.

Ẹksọdọs 23:19

Wa ghi viọ avbe ne ọ maa sẹ vbe emwiokọ ne okaro ne uwa ka gha rhọ vbe ugbo uwa gha die owa Nọyaẹnmwa Osanobua rua. Wa ghẹ ye ewẹn ohuan le ovbi ẹre.

Ẹksọdọs 34:22

“Wa ghi gha ru emwiukpo, emwiokọ okaro ọghe emwiorhọ ọka, wa ghi gha ru emwiukpo ọghe emwiorhọ ọmerhan vbe ufomwẹ ne uwa ya rhọ emwi la owa vbe ukpo.

Levitikọs 23:17

Dọmwadẹ ẹgbẹe ghi viọ ebrẹd eva rre, a ghi viọ ne Nọyaẹnmwa zẹ vbe izẹọhẹ kpataki ebrẹd ọkpọkpa ghi gha re ne a ya uwan enẹ ọghe ọka irhuarhua kevbe eyist ru a ghi vbe mu ẹẹn gie Nọyaẹnmwa zẹ vbe ihaoko ọghe akọrhọre ne okaro.

Levitikọs 7:13

Yevbe deba ọnii, ọ ghi vbe viọ ebrẹd ne a ma ya eyist gbe rre.

Nọmbas 15:20

Iyeke vbe a ghẹ ghi rhọ emwi okọ nẹ ukpukpo, a ghi mu vbe ebrẹd ne a ka ya ẹe le ighẹ ọka ne a rhọ vbọ, ne a ya zẹ ọhẹ kpataki gie Nọyaẹnmwa. Vbene a ya ọka ne a ka gha wiẹn zẹ ọhẹ kpataki, erriọ ọre a ra vbe gha ya ọna zẹ ọhẹ.

Nọmbas 18:12

“I ra vbe viọ emwi okọ nọ maa vbe uwu ne ivbi Izrẹl ka rhọ ne iran viọ gun mwẹ ukpukpo ne uẹn, ofigbọn oliv, ayọn kevbe ọka.

I Kọrinti 15:20

Sokpan ẹmwata ne ọ rrọọ ọrọre wẹ, a huẹn Kristi kpao vbe idin nẹ, ne aro miẹn ehe na da ẹe wẹ, avbe emwa ni wulo, a gha huẹn iran kpaegbe.

Diuteronomi 26:10

Rhunmwuda onii nian, mẹ viọ ne okaro vbe uwu emwiokọ ne irẹn viọ mẹ gie Nọyaẹnmwa.’ “Iyeke ọnii, u ghi mu okhuae nii ye otọ vbe odaro e Nọyaẹnmwa ne u vbe ga vbe evba.

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.