Levitikọs 2:11 - Edo Bible (E Baibol Ẹdo) Version 1996

¹¹ A ghẹ ya eyist gbe ebrẹd ne uwa ya ha oko gie Nọyaẹnmwa, wa ghẹ ya eyist ra owọn le evbare ne a ya ha oko gie Nọyaẹnmwa.

Levitikọs 2:11 ပူးပေါင်းရင်းမြစ်များ

Ẹksọdọs 23:18

Wa ghẹ rhie ebrẹd ne ọ huere ya ye aranmwẹ zọ ese ghe mwẹ. Efun aranmwẹ ne a ya zọ ese ghe mwẹ, wa ghẹ sẹrae vbọ ne ẹdẹ gbe.

Ẹksọdọs 29:25

Iyeke ọnii, u ghi miẹn iran evbare nii, u ghi giẹn ọnrẹn vbe uhunmwu aka, vbe uhunmwu avbe emwi imuohan na a giẹn uan, ne ọ miẹn ehe na rhie uwinhinmwẹ ne ọ yẹ mwẹ ladian, emwi imuohan evbare ne a ya rhie gun mwẹ nọ.

Ẹksọdọs 34:25

“Wa ghẹ ya ebrẹd na ya eyist ru zọ ọhẹ mẹ vbe uwa gha ye aranmwẹ zẹ ese mẹ. A ghẹ rhie hin rre ne ẹdẹ gbe vbe uwa gha gbe emwi ya ru emwiukpo Alagberra.

Itan 24:13

Ovbi mwẹ, gha rri owọn ighe ọ maa. U ghi rẹn wẹ zẹ vbene owọn ne a min ke ipapa owọn rre maa,

Itan 25:16

Ghẹ lalọ amẹ owọn gberra vbene ọ ke ne uẹn sẹ, ọ gha bun gbe, ọ sẹtin ya a gha bi.

Itan 25:27

Owọn gha bun gbe, ẹ i ghi maa ne ọmwa, erriọ ọ re ọ vbe ye vbe ọmwa a vbe gha ho gbe ne a gha tian irẹn.

Levitikọs 1:13

Ọmwa nii ghi kpe ibiẹ ọre kevbe owẹ ọre, ohẹn ghi do mu ese nii gie Nọyaẹnmwa, ọ ghi giẹn ehia fẹẹrẹ vbe uhunmwu aka, uwinhinmwẹ emwi ihaoko evbare na yẹ Nọyaẹnmwa.

Levitikọs 6:10

Ohẹn ghi yọ ẹwu eto ovbiohuẹ kevbe utalawẹ eto ovbiohuẹ, ọ ghi kpolo emuẹn ne ọ yevbe ọdan ne ọ rrọ hinrre, ọ ghi viọ ẹre ye asefẹn aka.

Matiu 16:6

Jesu keghi tama iran wẹẹ, “Wa mwẹ ẹwaẹn, ne u wa vbe gha begbe vbe obọ eyist avbe Sadusi kevbe Farisi.”

Iyẹn ne ọ Maan Ọghe Mak 8:15

Jesu tama iran wẹẹ, “Wa gha begbe vbe obọ eyist avbe Farisi kevbe eyist ọghe Hẹrọd.”

Iyẹn ne ọ Maan Ọghe Luk 12:1

Ugbẹn vbe emwa ghi wa gbe ẹbu sẹrriọ ne iran gha ye igiawẹ rilo egbe ginna otọ, Jesu keghi ka zẹgiẹ tama avbe erhuanegbe ẹre wẹẹ, “Wa gha begbe vbe egbe ihueka avbe Farisi! Ẹkẹ vbe iwẹnwẹn iran ọre I kha.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Galatia 5:9

Ovbi eyist kherhe ọ re a ya ye okpan ẹlubọ hia hue.

I Pita 4:2

Rhunmwuda ọnii khekherriọ, ke ẹghẹ na kpao, wa ghi gha lo edẹ agbọn uwa vbe emwa na, vbe ne a gha na miẹn wẹ, iho Osanobua ọre ọ ta ne a gha ru ma rẹn ighẹ ẹ i re orriarria emwa ne agbọn.