Levitikọs 19:9 - Edo Bible (E Baibol Ẹdo) Version 1996

⁹ “Wa gha rhọ emwi okọ ugbo rua, wa ghẹ rhọ avbe ọka ni rre ọkhioha, wa ghẹ vbe dọlegbe ya rhọ avbe ọka ne a te sẹrae.

Levitikọs 19:9 ပူးပေါင်းရင်းမြစ်များ

Levitikọs 19:10

Wa ghẹ dọlegbe la ugbo emwi okọ ayọn nọbaa ne uwa rhọ ọmọ rẹn ne ọ te kharha kua. Wa sẹ enii rae ne avbe ivbiogue kevbe avbe orhunmwuyẹn. Mẹ ọ re Nọyaẹnmwa Osanobua rua.

Levitikọs 19:8

Ọmwaikọmwa ne ọ rri ọe, ọ gha rri abe ọghe wẹ ọ kegha ru emwi ne a ya fi ohan mẹ zẹ vbe ne a miẹn wẹ ọ ma sẹ emwirhọkpa, a i ghi vbe dọlegbe ka ẹe ba emwa mwẹ.

Levitikọs 23:22

Wa gha rhọ emwi okọ ne ugbo rua, wa ghẹ wa rhọ ẹre sẹ ọkhioha, ra ne uwa vbe werriegbe ya gbe ẹre ọrriẹ, wa sẹ enii rae ne ivbiogue kevbe avbe orhunmwuyẹn. E Nọyaẹnmwa ọrọre Osanobua rua.

Levitikọs 23:29

Ọmwaikọmwa ne ọ rrie evbare ẹdẹ nẹdẹrriọ, a i ghi ka ẹe ba emwa Nọyaẹnmwa ọvbehe.

Ebe Rut 2:15

Ọ ghi guakpao ne ọ ya rhọ ọka, e Boaz keghi tama avbe eguọmwadia ẹre wẹẹ, “Wa gie ẹe gha rhọ ọka, a gha rhe miẹn wẹ ehe ne ititi ẹre he ye nọ; wa ghẹ yagha ẹe hiehiere. Wa gha silo vbọlọ vbe ititi ọka kherhe, wa ghi sẹ ni dekẹe rae nẹẹn ne ọ rhọ ẹre, wa ghẹ guẹe gui.”

Ebe Rut 2:2

Ẹdẹ ikẹtin e Rut keghi tama Naomi wẹẹ, “Gunmwẹ gha rrie ugbo ne I ya gha rhọ vbe erhan ọka ne iran ni rhọ emwiokọ rhọ sẹrae. I gha rhọ ẹre lele ikpia eso nẹ, ọ gha kue yọ ne I gha rhọ ẹre.” E Naomi keghi wanniẹn wẹẹ, “Gha khian ovbi mwẹ.”

Ebe Rut 2:8

Ẹre Boaz na khama e Rut wẹẹ, “Danmwẹ ehọ ovbi mwẹ. Ghẹ ghi yo ehe ọvbehe ya gha rhọ ọka gberra ugbo na, gha deba eguọmwadia mwẹ ni ikhuo winna.