Levitikọs 19:4 - Edo Bible (E Baibol Ẹdo) Version 1996

⁴ “Wa ghẹ sẹ mwẹ rae ya gha gho amazẹ, wa ghẹ vbe ye oze ma ẹbọ ne uwa gha gho. Mẹ ọre Nọyaẹnmwa Osanobua uwa.

Levitikọs 19:4 ပူးပေါင်းရင်းမြစ်များ

I Ọba 14:9

Orukhọ ne u he ru sẹ ọghe iran hia ni ka gha rriọba khẹ ruẹ ẹsẹse. U fi iyeke gbe mwẹ nẹ, u keghi gua izohu mwẹ kpao vbekpa ne u na gha mannọ amazẹ, u na dunmwu ẹbọ ematọn ne u miẹn gha gho.

I Krọnikol 16:26

Ẹbọ avbe agbọn ẹvbo nekpa hia, amazẹ kẹkan nọ sokpan e Nọyaẹnmwa ọ re ọ yi avbe ẹrinmwi.

II Krọnikol 28:2

Ọ keghi lele igiemwi avbe ọba Izrẹl, ọ na wẹ ne iran ma amazẹ ematọn ọghe Baal,

Psalm 96:5

Amazẹ ọ re ẹbọ avbe emwa nekpa khin, sokpan, e Nọyaẹnmwa ọ re ọ yi ẹrinmwi.

Ẹksọdọs 20:23

Wa ghẹ ma amazẹ ẹrọnmwọ ra igoru ne u wa gha vbe gha ga ẹe ba mwẹ.

Ẹksọdọs 32:4

Ọ keghi viọ emwi ehọ nii, ọ na ranran ẹn hihiẹ ye emwi ne a ya sa ẹrọnmwọ, ọ ke ya ẹe ru ẹkhuia ẹmila. Emwa nii keghi kha wẹẹ, “Izrẹl, Osanobua ima ne ọ viọ ima ke Igipt ladian ọre ọna khin!”

Ẹksọdọs 34:17

“Wa ghẹ ya ematọn ne a ranran ẹn ma ẹbọ ne egbe uwa.

Levitikọs 11:44

Mẹ ọre Nọyaẹnmwa Osanobua rua, wa ghi ya egbe khian ni huanrẹn rhunmwuda ọmwa ne ọ huanrẹn ọre ime khin.

Levitikọs 19:25

Sokpan vbe ukpo ne ogisẹn, wa sẹtin gha rri ọmọ erhan nii. Wa gha ru vbenian, erhan uwa ghi kakabọ gha mọ yọ. Mẹ ọre Nọyaẹnmwa Osanobua ruẹ.

Levitikọs 19:5

“Wa gha gbe aranmwẹ ya sisara, wa ghi gha lele emwamwa ne I rhie ye otọ ne uwa, mẹ gha rhan obọ miẹn ese ne uwa zọ re.

Levitikọs 26:1

E Nọyaẹnmwa keghi kha wẹẹ, “Ghẹ ma amazẹ ra ama ọmwa, ọ re okuta ra okuta na a kare, ne uwa gha gae. Mẹ ọ re Nọyaẹnmwa Osanobua rua.

Hagai 2:18

Ẹdẹnẹrẹ na ọrọre ikpẹdẹeneyan-ugie ọghe uki ne ogihinrin, ẹdẹ ne a gbe ẹyotọ Ọgua Osa ni fo. Wa ghi ye emwi ne ọ ra gha sunu ke ẹghẹ na kpao ẹro.

I Kọrinti 10:14

Rhunmwuda ọnii, ọse mwẹ ni ghan, wa gha lẹ ne ẹbọ ne a gaa.

Diuteronomi 27:15

“ ‘Ihẹn ọghe Osanobua rre ọ re uhunmwu ighẹ ọmwaikọmwa ne ọ ya okuta ra ematọn ma amazẹ ne ọ gha do gho ẹre, te ẹbọ ne a ru sọnnọ e Nọyaẹnmwa.’ “Emwa ni hia ghi kha wẹẹ, ‘Isẹ!’

Diuteronomi 4:16

wẹ wa ma ru orukhọ vbe ekpa ne uwa gha na ya gha ma amazẹ emwikemwi, ọre okpia nọ ra okhuo,

Diuteronomi 7:25

Giẹn avbe amazẹ iran an. Ghẹ gie esiliva ra igoru ni rre iran egbe viẹn ye uwa aro, wa ghẹ vbe viọ iran ya khiẹn ọwua. Wa gha ru vberriọ, uwu ọ re ọ ke ẹre ikian rhunmwuda ẹbọ na gho wa sọnnọ e Nọyaẹnmwa.

I Jọn 5:21

Ivbi mwẹ, wa gha lẹ ne ẹbọ ohoghe.