Levitikọs 19:34 - Edo Bible (E Baibol Ẹdo) Version 1996

³⁴ Wa gha ya obọ ne uwa ya mu ivbi Izrẹl ne iho uwa mu iran, wa ghi vbe gha ho ẹmwẹ iran vbene uwa ho ẹmwẹ egbe uwa. Wa yerre ighẹ orhunmwuyẹn wa gha khin vbe otọe Igipt. Mẹ ọ re Nọyaẹnmwa ne Osanobua rua.

Levitikọs 19:34 ပူးပေါင်းရင်းမြစ်များ

Psalm 146:9

Ọ degue avbe ọrriọvbe ni rre otọe mwa, ọ ru iyobọ ne avbe ẹgbẹe kevbe emọ ni i mwẹ erha, sokpan, ọ ghi zagha uma emwa dan an.

Ẹksọdọs 22:21

“Wa ghẹ ya obọ dan mu orhunmwuyẹn ra ne a ru ẹe khọ, yerre wẹ orhunmwuyẹn wẹ vbe gha khin vbe Igipt.

Ezikiẹl 47:22

te ọ khian gha re emwiobọ uwa ẹdẹdẹmwẹdẹ. Avbe erriọvbe ni rre ẹkpo uwa, ni vbe biẹlẹ nẹ vbe ẹvbo uwa, wa ghi vbe ghae sẹ iran obọ vbe otọ nii vbe uwa a gha ẹre. Obọ ne a ya mu ivbi eseserese vbe Izrẹl ọ re a vbe ya gha mu iran. Te iran gha vbe gu ẹwae Izrẹl zẹ vbe uta ne a ya gha otọe nii.

Levitikọs 19:18

Ghẹ rria ọmwarhọkpa ikhi ra ne u gha mu ohu ẹre yọ khian, sokpan, gha ho ẹmwẹ emwa ọvbehe vbene u hoẹmwẹ egbe ruẹ, mẹ ọ re Nọyaẹnmwa.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Nọmbas 10:32

U gha lele ima gha dee, ma gha ghae ne uẹn vbe afiangbe hia ne Nọyaẹnmwa rhie ne ima.

Matiu 5:43

“Wa họn ẹn vbene a ka tae wẹẹ, ‘Ho ẹmwẹ ne ọ ho ẹmwẹ ruẹn, khuiwu ne a khuiwu ruẹ.’

Diuteronomi 10:19

Rhunmwuda ọnii, wa gha ho ẹmwẹ avbe erhunmwuyẹn nii, rhunmwuda, erhunmwuyẹn wa vbe khin vbe Igipt.

Diuteronomi 23:7

“Wa ghẹ sọnnọ ivbi Idọm, etẹn uwa iran khin. Wa ghẹ sọnnọ ivbi Igipt rhunmwuda wa ka di otọ iran ya ẹghẹ ọkpa.

Diuteronomi 23:8

Emọ ne iran biẹlẹe, a sẹtin ke orre ne ogieha ka iran ba emwa e Nọyaẹnmwa.

Ebe Rut 2:10

E Rut keghi vbokho egbe rriotọ ya uharo kan otọ, ọ keghi tama Boaz Wẹẹ, “Vbe ua na dẹghe mwẹ ya tohan mwẹ vberriọ hẹ, egbe ne I ya re ọrriọvbe?”