Levitikọs 19:32 - Edo Bible (E Baibol Ẹdo) Version 1996

³² “Wa gha daa ne avbe ọmaẹn, gha ya ọghọ ne iran, rhunmwuda ighẹ wa mu ohan mwẹ. Mẹ ọ re Nọyaẹnmwa.

Levitikọs 19:32 ပူးပေါင်းရင်းမြစ်များ

Gẹnẹsis 31:35

E Rekiẹl keghi tama erhae wẹẹ, “Lahọ ghẹ gun mwẹ gui wẹẹ I ma kpaegbe nuẹn, rhunmwuda te I mu obọ mwẹ.” E Leban keghi gualọe sokpan ọ ma miẹn avbe ukhurhẹ ọre.

Gẹnẹsis 48:12

Ẹre Josẹf na tọn iran mu hin ekuawẹ e Jekọb rre, ọ na mu ẹko rhu otọ vbe odaro ẹre.

I Ọba 2:19

Ẹre Batsiẹba na bu ọba ne ọ ya gu ẹe guan ne Adonaija. Ọba keghi gua kpao ne ọ tue iye ẹe, ọ kevbe vbokho uhunmwu rriotọ ne ẹẹn. Ọ keghi tota ye ẹkete ẹre ọ na wẹ ne iran mu ẹkete ọvbehe rre ne ọ tota yọ diake irẹn vbe obọ erha ọmwa.

II Ọba 17:36

Wa ghi gha họn ẹmwẹ mẹ, mẹ ne Nọyaẹnmwa ne ọ viọ uwa ke Igipt ladian vbe iwegbe kevbe ẹtin nọkhua, mẹ ọre uwa gha ya uhunmwu kan otọ na, wa ghi vbe zọ ese ya ru mwẹ.

Job 32:4

Rhunmwuda ne Elihu na re ọvbokhan vbe evba, ọ keghi ziengbe ne emwa hia guan fo nẹ.

Job 32:6

Ọre ọ na suẹn gha guan, ọ wẹẹ, “Ọvbokhan mẹ khin, eniwanrẹn wa khin, rhunmwuda ọnii, ohan ma gunmwẹ tama uwa vbene imẹ rorẹe yi.

Itan 16:31

Utọmwẹ ọrọre ere ẹmwata, ede uyi ọ re edẹ khin.

Itan 20:29

Ma tian ẹtin igbama, a ghi vbe gha ya ọghọ ne edẹ ọmaẹn.

Itan 23:22

Danmwehọ ẹmwẹ ne erhaa tama ruẹn, adeghẹ ẹ i re irẹn, u ghẹ i gha rre agbọn na. Iyuẹ gha vbe khian ọmaẹn nẹ, ya obọ enọrẹn ẹse mu ẹẹn.

Aizaia 3:5

Edọmwadẹ ọghọe ghi gha gbe ogieva ẹre rhu. Avbe igbama i ra ghi gha ya ọghọ ne eniwanrẹn, deba re avbe ivbivbi emwa nii i ghi ra gha yọghọ ne emwa ni sẹẹ iran.

Eve Orriara 5:12

A munọ avbe ọkaolotu ima, a keghi silo iran rrọọ, iran ivbe zẹdẹ yọghọ ne avbe eniwanrẹn ima.

Levitikọs 19:14

Ghẹ tie ihẹn ne ayin ehọ ra ne u mu emwi gbe odẹ ne arhuaro miẹn ehe na rua owẹ. Gha mu ohan mwẹ. Mẹ ọrọre Nọyaẹnmwa ne Osanobua ruẹ.

Ebe ne Pọl gbẹẹn gie emwa Rom 13:7

Rhunmwuda ọnii wa ha osa kevbe igho ne a fian ye emwi ne uwa mwẹ ne iran, wa ghi vbe gha ye ọghọ vbe ute da ne iran.

I Timoti 5:1

Ghẹ gu ọmwa ne ọwan sẹ ruẹ gui, sokpan heko gu ẹe guan vbene a miẹn wẹ erha a nọ. Gha ya obọ mu iran ne u wan sẹẹ, zẹ vbe etuẹn ne ikpia,

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.