Levitikọs 19:31 - Edo Bible (E Baibol Ẹdo) Version 1996

³¹ “Wa ghẹ yo ọghe iran ni gu avbe emwa ni wu nẹ guan. Wa gha ru ẹe. wa gha mu awua. Mẹ ọ re Nọyaẹnmwa Osanobua rua.

Levitikọs 19:31 ပူးပေါင်းရင်းမြစ်များ

II Ọba 17:17

Iran keghi ya ivbi iran ne ikpia kevbe ne ikhuo gha zọ ese ne a giẹn uan ne ẹbọ iran ne ni ga ẹbọ, iran keghi ya gha bọ vbe ọghe ọbiro kevbe ọfiakpẹlẹ, iran keghi mu egbe iran yọ wẹ emwi pe ọ ma gba iran khian gha ru vbe odaro e Nọyaẹnmwa, rhunmwuda ọnii, iran keghi ya ẹe mu ohu.

II Ọba 21:6

Ọ keghi ye ovbi ẹre ne okpia zọ ese ne a giẹn uan. Rẹn kegha fi iha ọ kevbe gha ru ẹbo edunna, ọ kevbe gha bọ vbe ọghe ọbo kevbe iran ni gu ẹrinmwi guan. Ọ keghi kakabọ sẹ ẹmwẹ e Nọyaẹnmwa, ọ na gie ẹe mu ohu.

II Ọba 23:24

Ne a miẹn ehe na mu uhi e Nọyaẹnmwa ni rre ebe ne Hilkaia ne Ogie Ohẹn miẹn vbe Ọgua Osa sẹ, e Josaia keghi viọ iran hin e Jerusalẹm kevbe otọe e Juda rre ighẹ avbe iran ni miẹn ẹrinmwi, iran ni bọ, kevbe ẹbọ edọmwadẹ owa, amazẹ kevbe emwi ne iran ni ga ẹbọ ghi gho hia.

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

II Krọnikol 33:6

Ọ ye avbe ivbi ẹre ni ikpia zọ ẹse vbe Iya e Hinọm zẹ vbe emwi imuohan. Ọ wa fi iha, ọ kevbe gha ru ẹbọ edunna, ọ kevbe gha tie avbe ọbo kevbe iran ni mianro sẹ owa. Ọ keghi kakabọ rukhọ ghe Nọyaẹnmwa.

Ẹksọdọs 22:18

“Okhuo ne ọ re oso, wa ghi gbe ẹe rua.

Aizaia 29:4

E Jerusalẹm ghi do yevbe orhiọn ọmwa ne ọ wu nẹ ra ẹrinmwi, ne ọ te ziga ne ọ guan ke ototọ gha dee, urhu ne a ya obọ guee ẹre unu ne ọ ke uwu ebubẹ ladian rre.

Aizaia 47:13

U i ye mwẹ ẹtin, vbene a bu ruẹ ude sẹ gie iran ni we uki ne uẹn ladian do miẹn ruẹn fan avbe iran ni ghe umian vbe orhọnmwẹ iran ni mwamwa iso ye dọmwadẹ oghae ni vbe tama ruẹn uki uki wẹ ghe emwi ne ọ gha sunu vbe egbe ruẹ.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Levitikọs 19:26

“Wa ghẹ rri emiowo ke ẹe kevbe esagiẹn. Ghẹ zẹ ọbo imamase rhọkpa.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Levitikọs 20:27

“Okpia ra okhuo ne ọ rhirhi ya gualọ otọ emwi vbe obọ orhiọn ọmwa ne ọ wu nẹ, a ghi filo okuta gbe ẹe rua. Ọmwa ne ọ rhirhi ru emwi vbenian, obọ ẹre ọre uwu ne ọ gbe ẹe ke rre.”

Iwinna 8:11

Ọ kpẹe sẹrriọ ne ọ kegha ya obọ edunna rẹn runran iran wẹ te emwa hia ghi danmwehọ ẹre ẹsẹse.

Galatia 5:20

ẹbọ ne a gho kevbe azẹn, emwa ghi ya eghian so egbe, iran ghi gha gbinna, oya iran ghi gha da egbe, okuo kevbe oguegue. Iran ghi gha ghae egbe ye otu kevbe oka.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

I Samuẹl 28:3

Vbe ẹghẹ na, e Samuẹl wu nẹ, ivbi Izrẹl ghi khiẹ ọre nẹ, iran na re ẹre ye Rama ne ẹvbo ẹre. E Sọl khulo iran ni fi iha kevbe iran ni miẹn ẹrinmwi hin otọ Izrẹl rre nẹ.