Levitikọs 19:22 - Edo Bible (E Baibol Ẹdo) Version 1996

²² Ohẹn ghi ya ẹe ru iruemwi akpehuan, ne a ya rhie orukhọ okpia nii hin rre, Osanobua gha vbe ya bọ ẹe.

Levitikọs 19:22 ပူးပေါင်းရင်းမြစ်များ

Levitikọs 19:21

Okpia nii ghi mu ogho gha die onurho Owa Ukpọn Ile ne ọ ya zọ ese a hae werriegbe.

Levitikọs 19:23

“Wa gha sẹ otọe Kenan wa na kọ erhan ne ọ mọ, wa ghi ka ọmọ rẹn ye ne awua ye la ukpo eha vbe ukpo eha nii, wa ghe rri ọe.

Levitikọs 4:20

Erriọ ọre ọ gha vbe ru ẹkhuia na, zẹ vbene ọ ru ẹkhuia ne a ya zọ ese ye orukhọ, odẹ vberriọ ọre ohẹn gha ya zọ ese ye orukhọ avbe emwa nii, a ghi yabọ iran.

Levitikọs 4:26

Ọ ghi giẹn efun ẹnrẹn hia vbe aka nii, zẹ vbe ne ọ vbe ru aranmwẹ ne a gbe ya si isara, odẹ vberriọ, ohẹn gha zọ ese ye orukhọ ne enogie ru, a ghi vbe ya bọe.

Levitikọs 4:31

Iyeke ọnii, ọ ghi viọ ẹvbi nii rrọ hia hin rre, zẹ vbene a vbe viọ ẹvbi hin aranmwẹ ne a gbe ya sisara, ne u vbe giẹn rẹn uan vbe aka, zẹ vbe emwi ne ọ winhin ne ọ yẹ e Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 4:35

Iyeke ọnii, ọ ghi viọ ẹvbi ẹre hia ladian zẹ vbe ne a vbe viọ ẹvbi hin ohuan ne a gbe ya sisara, a ghi giẹn ọnrẹn vbe aka ba emwi ihaoko evbare ne a viọ gie Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.