Levitikọs 19:19 - Edo Bible (E Baibol Ẹdo) Version 1996

¹⁹ “Gha ya uhi mwẹ ru emwi. Ghẹ gie emwirri ni i re ọkpa gha mu egbe ne iran miẹn ehe na biẹlẹ azẹguagua. Ghẹ kọ emwi okọ ughughan eva ye otọ okpa. Ghe rhuan ukpọn ne a ya emwi ughughan eva do.

Levitikọs 19:19 ပူးပေါင်းရင်းမြစ်များ

Gẹnẹsis 36:24

Ena ọrọre ivbi e Zibiọn: Aia kevbe Ana (Ana na ọrọre ọmwa ne ọ miẹn ẹzẹ amẹ erhẹn vbe uwu oha vbe ẹghẹ ne ọ na gha gbe aro gbe ekẹtẹkẹtẹ Zibiọn ne erha ẹe).

II Samuẹl 13:29

Avbe eguọmwadia nii keghi gbe Amnọn zẹ vbene Absalọm tama iran. Ivbi e Devid nekpa keghi hin ẹmila iran, iran na lẹ gha rrie.

II Samuẹl 18:9

Absalọm keghi khian dekun emwa e Devid eso vbe udomwurri. Absalọm keghi hin ekẹtẹkẹtẹ khian, ugbẹn vbe ọ ghi la ototọ erhan ọwegbe khian, uhunmwu Absalọm keghi khuakhua ye abọ ẹre. Ekẹtẹkẹtẹ nii kegha rhulẹ khian vbene Absalọm na gha rre ideghedeghe vbe evba.

I Ọba 1:33

rẹn keghi tama iran wẹẹ, “Wa viọ avbe ukọ ne iwẹguae mwẹ ba egbe, wa mu ẹ Solomọn ne ovbi mwẹ yan ekẹtẹkẹtẹ mwẹ, ne ọ hin ẹnrẹn ne uwa lele ẹe gha rrie Ẹzẹ Gihọn,

Levitikọs 18:4

Wa gha ya uhi mwẹ ru emwi ne uwa vbe gha ru vbene I kha re. Mẹ ọrọre Nọyaẹnmwa ne Osanobua uwa.”

Levitikọs 19:37

Wa gha ya uhi kevbe ilele mwẹ hia ru emwi. Mẹ ọ re Nọyaẹnmwa.”

Levitikọs 20:8

Wa gha ya uhi mwẹ ru emwi rhunmwuda mẹ ọ re Nọyaẹnmwa mẹ ọ re ọ vbe ya uwa khian ne ọ huanrẹn.”

Levitikọs 22:31

E Nọyaẹnmwa keghi kha wẹẹ, “Wa gha ya uhi mwẹ ru emwi, mẹ ọ re Nọyaẹnmwa.

Levitikọs 25:18

“Gha rhie owẹ lele uhi kevbe emwamwa ọghe Nọyaẹnmwa ne u miẹn ehe na yin otọ nii vbe ne a i na mwẹ ẹbe.

Iyẹn ne ọ Maan Ọghe Luk 5:36

Jesu keghi vbe kpa itan na ma iran wẹẹ, “A i fian vbe ẹwu ọgbọn ya te ọwiẹyi, a gha danmwẹ ọẹn, te a yanghan ẹwu ọgbọn nii rhia kẹkan, ne afian vbọ nii, ẹ i vbe gua ukpọn ọwiẹyi ro.

Ebe ne Pọl gbẹẹn gie emwa Rom 11:6

Itohan rẹn ọre ọ lele zẹ emwa ne ọ hannọ zẹ ighẹ ẹ i re rhunmwuda uyinmwẹ iran. Rhunmwuda, akpawẹ rhunmwuda uyinmwẹ emwa ọre Osanobua ya hannọ emwa zẹ, itohan rẹn i ghẹ ghi gha re itohan ẹmwata.

Diuteronomi 4:1

Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.