Levitikọs 19:18 - Edo Bible (E Baibol Ẹdo) Version 1996

¹⁸ Ghẹ rria ọmwarhọkpa ikhi ra ne u gha mu ohu ẹre yọ khian, sokpan, gha ho ẹmwẹ emwa ọvbehe vbene u hoẹmwẹ egbe ruẹ, mẹ ọ re Nọyaẹnmwa.

Levitikọs 19:18 ပူးပေါင်းရင်းမြစ်များ

Gẹnẹsis 4:23

E Lamẹk ke tama avbe amwẹ ọnrẹn wẹẹ, “Ada ke Zila, wa danmwehọ mwẹ, I gbe igbama ọkpa ua rhunmwuda ighẹ ọ fi mwẹ emwi,

II Samuẹl 13:22

Absalọm ma vbe rhan unu ta ẹmwẹ ọkpa ma Amnọn. Ohu ẹre kegha mu Absalọm rhunmwuda, ọ ya ẹtin vbe iwegbe gu e Tama ne ovbiye ẹe ru emwi ọdọ vbe amwẹ.

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

Psalm 103:9

Ẹ i gu ọmwa gui ẹzọ ne ẹ i fo vbotọ, ẹ i vbe mu ohu ne ai mu ye otọ.

Ẹksọdọs 20:16

“Ghẹ ba mu ẹmwẹ ohoghe ba ọmwaikọmwa.

Itan 20:22

Ghẹ wa kha wẹ u ra ya rria ikhi ne egbe ruẹ. Mu ẹtin yan e Nọyaẹnmwa, ọ gha dọlọ ẹe yi.

Levitikọs 19:34

Wa gha ya obọ ne uwa ya mu ivbi Izrẹl ne iho uwa mu iran, wa ghi vbe gha ho ẹmwẹ iran vbene uwa ho ẹmwẹ egbe uwa. Wa yerre ighẹ orhunmwuyẹn wa gha khin vbe otọe Igipt. Mẹ ọ re Nọyaẹnmwa ne Osanobua rua.

Matiu 19:16

Ẹghẹ ọkpa, okpia ọkpa keghi rre do nọ Jesu wẹẹ, “Ọmaemwaemwi, de emwi esi ne I gha ru ne ẹfe ne ẹ i fo gha na sẹ mwẹ obọ?”

Matiu 19:19

Ya ọghọ ne erhaa kevbe iye uẹ, u ghi vbe gha ho ẹmwẹ ogieva ruẹ zẹ vbe ne u ho ẹmwẹ egbe ruẹ.”

Iyẹn ne ọ Maan Ọghe Jọn 13:34

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa.

Iwinna 16:28

sokpan Pọl keghi wa kakabọ davan, “Ghẹ kuan egbe ruẹ, ma hia rre emwa!”

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Ebe ne Pọl gbẹẹn gie emwa Rom 13:4

Rhunmwuda ọguọmwadia Osanobua ne ọ winna ye umamwẹ ruẹn ọre nọ. Sokpan, u gha ru emwi dan, gie afianma rẹn gha fian an, rhunmwuda, ẹtin ne ọ mwẹ ne ọ ya rri ọmwa oya, ẹ i re ọghe abawẹ, ọguọmwadia Osanobua nọ, oya ọre ọ rri iran ni ru emwi dan re ne Osanobua.

Ebe ne Pọl gbẹẹn gie emwa Rom 13:9

Avbe uhi na, “Ghẹ ghẹ, ghẹ di zigha, ghẹ rha, ghẹ ye aro ye emwi ẹrrẹe,” ena hia kevbe ọvbehe ne ọ rhirhi gha khin, uhi ọkpa ọre a ya fian ehia ifi wẹ, “Ho ẹmwẹ ogieva ruẹ zẹ vbene u ho ẹmwẹ egbe ruẹ.”

Galatia 5:14

Rhunmwuda nene Uhi hia, uwu iyi ọkpa ọre a na ko ẹre uhunmwu: “Ho ẹmwẹ ogieva ruẹ zẹ vbe egbe ruẹ.”

Galatia 5:20

ẹbọ ne a gho kevbe azẹn, emwa ghi ya eghian so egbe, iran ghi gha gbinna, oya iran ghi gha da egbe, okuo kevbe oguegue. Iran ghi gha ghae egbe ye otu kevbe oka.

Ẹfisọs 4:31

Wa gbe ukhu ẹre ua ighẹ ẹkorriaramwẹ, owowo, kevbe ohu, wa ghẹ ghi vannọ okan, ra ne a gha tie ihẹn, wa gie ẹkokhọmwẹ fo, ke ẹe kevbe emwi ni ye rriọ hia.

Diuteronomi 32:25

Okuo gha gbele emwa ye ughe, ugborrirri ghi gbele emwa ye uwowa avbe igbama kevbe ivbialeke gha wulo, kevbe emọ obọ kevbe avbe ọmaẹn, ne a ra sẹrae i rrọọ.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Kọlose 3:8

Banbanna nian, te uwa gha sẹ avbe emwi na hia rae, ohu orriarria kevbe ẹko ọmwa khọ ọmwa. Ghẹ tie ihẹn ra ne u gha ta ẹmwẹ ihin ladian vbe unu.

Hibru 10:30

Rhunmwuda ma rẹn ọmwa ne ọ khare wẹ, “I gha rria ikhi, I gha ru iha osa.” Kevbe ne ọ khare wẹ, “Nọyaẹnmwa gha bu ohiẹn emwa rẹn.”

Jems 2:8

Deghẹ wa mu uhi Arriọba nii sẹ, zẹ vbene ọ rre uwu ebe wẹ, “Hoẹmwẹ ogieva ruẹ zẹ vbe egbe ruẹ,” emwi esi wa ru.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.

I Jọn 4:21

Rhunmwuda ọnii nian, iyi ne Kristi yi ne ima ọ na khin ọmwa ne ọ ho ẹmwẹ Osanobua, wẹ ne ovbe gha ho ẹmwẹ ọtiọnrẹn.