Levitikọs 19:17 - Edo Bible (E Baibol Ẹdo) Version 1996

¹⁷ “Ghẹ mwẹ irhiaẹko ghe ọmwarhọkpa, sokpan guẹe dọlọ kugbe ne u ghẹ ya la ekpa ẹre mu orukhọ.

Levitikọs 19:17 ပူးပေါင်းရင်းမြစ်များ

Gẹnẹsis 27:41

Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

II Samuẹl 13:22

Absalọm ma vbe rhan unu ta ẹmwẹ ọkpa ma Amnọn. Ohu ẹre kegha mu Absalọm rhunmwuda, ọ ya ẹtin vbe iwegbe gu e Tama ne ovbiye ẹe ru emwi ọdọ vbe amwẹ.

Nehimaia 13:17

I keghi gu avbe ọkaolotu e Ju gui, I tama iran wẹẹ, wa ghe emwi dan ne uwa ru, wa gha ru Ẹdẹ Ikẹtin awua.

Psalm 141:5

Ọmwa esi sẹtin gbe mwẹ hin ọkhọ rre, kevbe ne ọ vbe gunmwẹ gui vbe itohan, sokpan, mẹ i ra rhan obọ miẹn emwi ne emwa dan ya mu ọghọ yọmwẹ egbe, rhunmwuda, ekhọe hia mẹ ya mu erhunmwu kọ emwi dan ne iran ru.

Itan 9:8

Ghẹ tama ọmwa ne ọ wẹ rẹn wa rẹn fo ighe ọ ba emwi ku ru, te ọ ra gha mu ohu ruẹ yọ. Sokpan, u gha tama umẹwaẹn ighe ọ ba emwi ku ru, ọ ghi gha ya ọghọ ne uẹn.

Iyẹn ne ọ Maan Ọghe Luk 17:3

Wa khẹ yegbe! Ọtuẹn gha ruẹ emwi khọọ, guee gui, ọ gha fi ekhọe werriẹ, ya bọ ẹe.

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

I Kọrinti 5:2

De ne uwa ghi tọn egbe mu ba nian? Vbe ẹmwata, te ọ kere ne uwa gha khiẹ, ọmwa ne ọ ru emwi na, ne uwa si ẹe ladian hin uwu ẹbu uwa rre.

Galatia 6:1

Etẹn, a deghẹ a mu orhunmwu ọkpa mu orukhọ, wa ni re ọghe orhiọn vbọ, wa ghi dia ẹre ye odẹ, sokpan wa ghi ru ẹre ọghe ọghọ vbe ute. Wa tobọ uwa ghi vbe gha ba egbe, ne a ghẹ vbe danmwẹ uwa ghẹ.

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

I Timoti 5:20

Gu ọmwa ne ọ ru khọ gui vbe sirra emwa hia ne emwa nekpa miẹn ehe na gha mwẹ imuohan.

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

Taitọs 1:13

Ẹmwata ọre ẹmwẹ ne ọ tae khin, rhunmwuda ọnii, u ghi gha kakabọ gu iran gui ye abakuru iran, ne iran miẹn ehe na gha mwẹ iyayi ne egbe rran rẹn.

Taitọs 2:15

Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.

I Jọn 2:11

Sokpan ọmwa nọ khu iwu ọtiọnrẹn, uwu ebiebi ọre ọ ye, uwu ẹre ọre ọ na khian, ọ ma vbe rẹn ehe ne irẹn rrie, rhunmwuda ebiebi rhu ẹre aro nẹ.

I Jọn 2:9

Ọmwa ne ọ khare ighẹ uwu uwanmwẹ rẹn ye, ọ na gha khuiwu ọtiọnrẹn, uwu ebiebi ọre ọ ye, ye do sẹ wanwan na.