Levitikọs 19:15 - Edo Bible (E Baibol Ẹdo) Version 1996

¹⁵ Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Levitikọs 19:15 ပူးပေါင်းရင်းမြစ်များ

Diuteronomi 1:17

Wa ghẹ gbe ghe obọ ọkpa vbe uwa a bu ohiẹn hiehiere. Abọkpa nii wa ya gha bu ohiẹn hia, ọmwa ne ọ khọnrẹn wẹ ne ọ gha khin. Wa ghẹ mu ohan ọmwarhọkpa, rhunmwuda obọ Osanobua ọ re ohiẹn ne uwa bu ke rre. A deghẹ wa miẹn ohiẹn ne ọ wegbe sẹ uwa, wa ghi mu ẹẹn bu mwẹ gha dee ne I bu ẹre.’

Itan 24:23

Avbe emwa ẹwaẹn ọ re ọ vbe guan avbe ẹmwẹ na. Emwi ne ọ ma gba nọ ne ọmwa ne ọbuohiẹn ka gha mwẹ ẹmwẹ nii vbe ekhọe nẹ.

Diuteronomi 27:19

“ ‘Ihẹn Osanobua rre uhunmwu ọmwa ne ọ gban emwi ne ọ sẹ orhunmwuyẹn, emọ ne ẹ i mwẹ erha kevbe ẹgbẹ egbe hin ẹre obọ rre.’ “Emwa ni hia ghi kha wẹẹ, ‘Isẹ!’

Levitikọs 19:35

“Wa ghẹ mu ọmwa rhọkpa ru vbe ekpa ne uwa gha na gha ya omwa ne ọ ma sẹ omwa mwa emwi, ọre ọ ghe utanmwẹ nọ, ukhuamwẹ ra ubunmwẹ.

Itan 18:5

Emwi ne ọ ma gba nọ ne a ya ma ọmwa ne ọ rriabe vbe ne a ma na rhie ase ne ne ọ rria ase.

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

Psalm 82:2

“Wa dobọ ohiẹn ai ta ẹmwata ne a bu yi, wa ghẹ ghi bu ohiẹn ikpanro ne avbe emwa dan!

Ẹksọdọs 18:21

Sokpan, deba ọnii, zẹlẹ emwa nii sẹ vbe uwu iran, ne u ya iran ru ekaolotu emwa na ẹ ọkaolotu arriaisẹn, iyisẹn, ekigbesiyeha kevbe igbe. Ọ kere ne iran gha re emwa nii muohan Osanobua kevbe ne ọ gie a mu ẹtin yan, kevbe ne a i sẹtin rhie oko odieke na.

Iyẹn ne ọ Maan Ọghe Jọn 7:24

Wa ghẹ gha lele erriọ I họn bu ohiẹn, wa gha lele odẹ ẹmwata bu ohiẹn.”

Iwinna 23:3

E Pọl tama ẹn wẹẹ, “Osanobua ọ ra fi uẹ emwi wẹ ne egbekẹn ne a gbe orhue yi. U tota ye evba gha bu ohiẹn mwẹ zẹ vbene Uhi khare, levba sevba, u na vbe gha rra uhi vbe uwu ne u na wẹ ne iran fi mwẹ emwi!”

Diuteronomi 10:17

E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Job 13:8

Te uwa ra ta ene unu ẹnrẹn ne ẹẹn ra? Wa ọ re ọ ra gui ẹzọ ẹre vbe iko ra?

Job 32:21

Mẹ i ra gbe ghe obọkpa vbe imuaemwẹ na, mẹ i ra vbe kpe ọmwarhọkpa ye ewọwọ,

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Itan 31:9

Guan ne iran, ne u do gha re nọbuohiẹn ẹmwata. Mu ẹzọ avbe ivbiogue kevbe ni i mwẹ gui.”