Levitikọs 19:14 - Edo Bible (E Baibol Ẹdo) Version 1996

¹⁴ Ghẹ tie ihẹn ne ayin ehọ ra ne u mu emwi gbe odẹ ne arhuaro miẹn ehe na rua owẹ. Gha mu ohan mwẹ. Mẹ ọrọre Nọyaẹnmwa ne Osanobua ruẹ.

Levitikọs 19:14 ပူးပေါင်းရင်းမြစ်များ

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Levitikọs 19:15

Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Levitikọs 19:32

“Wa gha daa ne avbe ọmaẹn, gha ya ọghọ ne iran, rhunmwuda ighẹ wa mu ohan mwẹ. Mẹ ọ re Nọyaẹnmwa.

Levitikọs 25:17

Ghẹ mu ovbi Izrẹl ne ihua ru. Sokpan mu ohan e Nọyaẹnmwa Osanobua ruẹ.

Ebe ne Pọl gbẹẹn gie emwa Rom 12:14

Gha na erhunmwu ne iran ni zẹ uwẹ kpokpo, ẹn, gha na erhunmwu ne iran, ghẹ tie ihẹn.

Ebe ne Pọl gbẹẹn gie emwa Rom 14:13

Rhunmwuda ọnii, wa gie ima dobọ ne a na zan egbe yi, sokpan emwi ne uwa gha hẹnhẹn unu ẹnrẹn ọrọre wẹẹ ne a ghẹ ru emwikemwi ne ọ gha ya ọtuẹn rrua owẹ, ra ne ogha ya ẹe ru orukhọ.

I Kọrinti 10:32

Gha yin vbene a gha na miẹn wẹ u ma hẹ vba avbe Ju ra iran ne ẹ i re Ju ra esọsi Osanobua.

Diuteronomi 27:18

“ ‘Ihẹn Osanobua rre uhunmwu ọmwa ne ọ rhie arhuaro la odẹ ne ẹ i re ọ re.’ “Emwa ni hia ghi kha wẹẹ, ‘Isẹ!’

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.