Levitikọs 19:13 - Edo Bible (E Baibol Ẹdo) Version 1996

¹³ “Ghẹ gu ọmwa do ẹki a sẹ ọmwa, ra ne u gbe ẹe miẹn re emwi. Ghẹ da igho ne u hae ne ọmwa ne ọ winna nuẹn yi, ghẹ da ẹe yi la asọn ọkpa kẹkan.

Levitikọs 19:13 ပူးပေါင်းရင်းမြစ်များ

Job 17:5

Vbene a ta ẹe nẹdẹ wẹ ọmwa rhunmwuda igho ye ọse ẹre ne a vbokho, ẹvbo ẹre ghi rri oya yọ.

Job 31:39

a deghẹ I re vbe evbare ne ọ zọ vba, a na giẹ ohanmwẹ gha gbe avbe ọwẹe ni gbe ẹe —

Job 7:2

Ọ yevbe ọviẹn ne ọ gualọ irhu ne ọ gha lẹre yi. Zẹ vbe ọmwa iwinna ne ọ diakhẹ ne a ha irẹn osa.

Ẹksọdọs 20:15

“Ghẹ rha a.

Ẹksọdọs 22:13

Adeghẹ aranmwẹ akọn ọre ọ gbe ẹe re, ọ ghi viọ iku ẹre gha dee do ya zẹ osẹ yọ; ọ ma kei ne ọ ha osa emwi ne aranmwẹ akọn gbe uẹ ua.

Ẹksọdọs 22:15

Sokpan deghẹ enarẹn ọre ọ ye gue, ọmwa nii i ra ha osa ẹre, a deghẹ emwirri ne a ya gbe agbeghae nọ igho agbeghae nii ghi gha re ne a ya ha osa yọ.

Ẹksọdọs 22:21

“Wa ghẹ ya obọ dan mu orhunmwuyẹn ra ne a ru ẹe khọ, yerre wẹ orhunmwuyẹn wẹ vbe gha khin vbe Igipt.

Ẹksọdọs 22:7

“Omwa gha rhie igho ra emwi ighobioye ọvbehe ne ọmwa dayi nẹẹn, oyi na do ẹre rhie vbe owa ọmwa nii, ọ ghi ha osa ukhukhu eva a deghẹ a mu oyi nii.

Itan 20:10

E Nọyaẹnmwa i ho ẹmwẹ ọmwa ne ọ ye emwi omuru mwa emwi, ọghe ubunmwẹ ra ukhuamwẹ.

Itan 22:22

Ghẹ balaro mu ovbiogue rhunmwuda ighe obọ ruẹ gba ẹre, ghẹ balaro mu e ne ẹ i miẹn emwi ru vbe iko.

Itan 3:28

Adeghẹ u gha sẹtin ru iyobọ ne ogieva ruẹ wanwanna, ghẹ tama rẹn wẹ ne ọ ziengbe khẹ akhuẹ.

Jerimaia 22:13

Ọwiri ọ re ọghe ọmwa ne ọ ye a i ta ẹmwata bọ owa. Ọ na vbe ya ẹkẹ vbe iwẹnwẹn bọ ba ẹre; ọmwa ne ọ ye ẹvbo ẹre miẹn ẹsọn kua kẹkan vbene ẹ i na vbe ha iran osa.

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Ezikiẹl 18:7

Ẹ i rha ọmwa ẹ i do ọmwa oyi. Ọ vbe rhie emwi ne ọmwa ne ọ mọmọ ẹre emwi rhie ne ẹẹn da yi, werriegbe ne ẹẹn, ọ koko ne ohanmwẹ gbe, ọ vbe rhie ukpọn ne ne ọ rre irhunmwuirhun.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Ezikiẹl 22:29

Iran ni fe rha, iran do oyi. Iran ye obọ dan mu avbe ivbiogue, iran keghi vbe mu avbe orhunmwuyẹn vbuẹvbuẹ.

Levitikọs 25:14

Rhunmwuda ọnii, u gha khiẹn otọ ne ovbi Izrẹl ne ihua, ra te uwẹ guẹe de otọ, ghẹ yin ẹre ọghe ẹkpe.

Levitikọs 25:17

Ghẹ mu ovbi Izrẹl ne ihua ru. Sokpan mu ohan e Nọyaẹnmwa Osanobua ruẹ.

Levitikọs 6:3

Ra te ọ ta ohoghe ye ẹmwẹ emwi ne ọ wiri, vbene ọ gha na vẹn ihẹn wẹ rẹn ma miẹn ọẹn.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 20:8

“Ọ ghi sẹ ẹghẹ akota, nọyan ugbo keghi tie ọgbẹn ebe ẹre ne ọ do ha osa ne iran ni ya winna, ọ na wẹ ne ọ ka ha osa ne iran ni kiekie rre. Ọ keghi ya sẹ egbe iran ni ka gha rre.

Iyẹn ne ọ Maan Ọghe Mak 10:19

Deghẹ u rẹn uhi ghẹ do izigha. Ghẹ ghẹe, ghẹ rhaa, ghẹ ta ohoghe, ghẹ do ẹki ogberhu, ye ọghọ ne erha kevbe iyuẹ.”

Iyẹn ne ọ Maan Ọghe Luk 3:13

Ọ tama iran wẹẹ, “Wa ghẹ koko igho gberra vbene uhi khare.”

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

I Timoti 5:18

Rhunmwuda, ebe khare wẹ, “Ghẹ rro ekagha ye ẹmila nọ wiẹn ọka unu,” kevbe wẹ, “Igho ne ọmwa ne ọ winna miẹn, khẹ kẹe.”

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.