Levitikọs 19:11 - Edo Bible (E Baibol Ẹdo) Version 1996

¹¹ “Ghẹ rha ra ne u gbe ọmwa rhu, ra ne u ta ohoghe.

Levitikọs 19:11 ပူးပေါင်းရင်းမြစ်များ

II Samuẹl 17:20

Irogho Absalọm kegha die owa nii, iran keghi nọ okhuo nii wẹẹ, “Ahimaz kevbe Jonatan vbo?” Rẹn keghi wanniẹn wẹẹ, “Iran fian ẹzẹ rra.” Emwa nii keghi gualọ iran, sokpan, ugbẹn vbe iran ma miẹn iran, iran keghi werriegbe gha rrie Jerusalẹm.

I Ọba 13:18

Ẹre Akhasẹ ne ediọnmwa ne ọ rre Bẹtẹl nii na tama rẹn wẹẹ, “Akhasẹ vbe ruẹ ọ re imẹ vbe khin, e Nọyaẹnmwa ọ re ọ vbe gie odibo ẹre gun mwẹ wẹ ne I rhie ruẹ gha rrie owa, ne I ya mu ọghọ ye uẹ egbe.” Sokpan ohoghe ọ re akhasẹ ne ediọnmwa nii gha ta.

Psalm 101:7

Ọhọn ohoghe i ra di ẹguae mwẹ ya, ọmwa ne ọ fian yan egbe i ra mudia ye odaro mwẹ.

Psalm 116:11

Ya sẹ egbe ẹghẹ ne ohan na gha mu mwẹ, ne I na kha wẹẹ, “A i miẹn ọmwa ne ọ gia mu ẹtin yan.”

Ẹksọdọs 20:15

“Ghẹ rha a.

Ẹksọdọs 20:16

“Ghẹ ba mu ẹmwẹ ohoghe ba ọmwaikọmwa.

Ẹksọdọs 20:17

“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”

Ẹksọdọs 22:1

“Omwa gha do ẹmila ra ohuan mu, ọ na gbe ẹe ra ọ na khiẹn ọẹn, ọ ghi ya ẹmila isẹn ha osa ẹmila ọkpa, ọ ghi ya ohuan enẹ ha osa ohuan ọkpa.

Ẹksọdọs 22:7

“Omwa gha rhie igho ra emwi ighobioye ọvbehe ne ọmwa dayi nẹẹn, oyi na do ẹre rhie vbe owa ọmwa nii, ọ ghi ha osa ukhukhu eva a deghẹ a mu oyi nii.

Ẹksọdọs 23:1

“Ghẹ ta ewẹwẹwẹ. Ghẹ yi ọmworukhọ ike vbe ekpa osẹe ohoghe ne a sẹ.

Itan 24:28

Ghẹ sẹ osẹe gbe ọmwaikọmwa vbe ne ẹ i na mwẹ otọ esi; ra ne u ya ta ẹmwẹ ne ẹ i gia miẹn otọ ẹmwẹ vbe ekpa ẹre.

Jerimaia 6:13

Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.

Levitikọs 19:10

Wa ghẹ dọlegbe la ugbo emwi okọ ayọn nọbaa ne uwa rhọ ọmọ rẹn ne ọ te kharha kua. Wa sẹ enii rae ne avbe ivbiogue kevbe avbe orhunmwuyẹn. Mẹ ọ re Nọyaẹnmwa Osanobua rua.

Ebe ne Pọl gbẹẹn gie emwa Rom 3:4

Hiehiere. Ọmwa ẹmwata ọre Osanobua khin, emwa hia gha rhe gha re ọhọn ohoghe, Zẹ vbene Ebe tae: “U gha guan, te a gha rẹn ighẹ ẹmwata u ta. A gha bu ohiẹn ruẹn, te u gha rri ase.”

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

Diuteronomi 5:19

“ ‘Ghẹ rha.

Kọlose 3:9

Wa ghẹ gha ta ohoghe ma egbe, rhunmwuda, wa ban egbe nẹdẹ mu fua nẹ, ke ẹe kevbe uyinmwẹ ọnrẹn.

I Timoti 1:10

Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”