Levitikọs 19:10 - Edo Bible (E Baibol Ẹdo) Version 1996

¹⁰ Wa ghẹ dọlegbe la ugbo emwi okọ ayọn nọbaa ne uwa rhọ ọmọ rẹn ne ọ te kharha kua. Wa sẹ enii rae ne avbe ivbiogue kevbe avbe orhunmwuyẹn. Mẹ ọ re Nọyaẹnmwa Osanobua rua.

Levitikọs 19:10 ပူးပေါင်းရင်းမြစ်များ

Aizaia 17:6

Ibozẹghẹ ọ re ọ khian miẹn uhunmwu. Izrẹl gha do yevbe erhan oliv ne a kọlọ ọmọ rẹn fo, a na ghi sẹẹ eva ra eha rae ye ọre uhunmwu, ra ezaghazagha ne a sẹrae ye ọre abọ ni rre ototọ. Mẹ ne Nọyaẹnmwa ne Osanobua Izrẹl ọ re ọ tae.”

Aizaia 24:13

Emwi ne ọ ra sunu vbe uhunmwu ẹvbo otọe agbọn hia, ọ re ọna khin. Te ọ ra yevbe ufomwẹ emwiorhọ vbe a ghi kọlọ ọmọ hin uhunmwu erhan hia rre nẹ, a na vbe kọlọ alimo ne okiekie hin azara rre.

Jerimaia 49:9

Emwa gha kọlọ alimo, iran ghi sẹ ekherhe rae ye uhunmwu erhan rẹn, avbe oyi gha ghi vbe rre vbe asọn, ne iran ho vbe uwu avbe emwi nii okpa ọ re iran viọ.

Levitikọs 11:44

Mẹ ọre Nọyaẹnmwa Osanobua rua, wa ghi ya egbe khian ni huanrẹn rhunmwuda ọmwa ne ọ huanrẹn ọre ime khin.

Levitikọs 19:11

“Ghẹ rha ra ne u gbe ọmwa rhu, ra ne u ta ohoghe.

Levitikọs 19:25

Sokpan vbe ukpo ne ogisẹn, wa sẹtin gha rri ọmọ erhan nii. Wa gha ru vbenian, erhan uwa ghi kakabọ gha mọ yọ. Mẹ ọre Nọyaẹnmwa Osanobua ruẹ.

Levitikọs 19:9

“Wa gha rhọ emwi okọ ugbo rua, wa ghẹ rhọ avbe ọka ni rre ọkhioha, wa ghẹ vbe dọlegbe ya rhọ avbe ọka ne a te sẹrae.

Levitikọs 23:22

Wa gha rhọ emwi okọ ne ugbo rua, wa ghẹ wa rhọ ẹre sẹ ọkhioha, ra ne uwa vbe werriegbe ya gbe ẹre ọrriẹ, wa sẹ enii rae ne ivbiogue kevbe avbe orhunmwuyẹn. E Nọyaẹnmwa ọrọre Osanobua rua.

Levitikọs 25:6

Vbe ukpo vberriọ, oha ne a ma mu ẹre ugbo gha ya evbare koko uwa, avbe eviẹn uwa, emwa ne uwa viọ ye iwinna, avbe orhunmwuyẹn ni rre ẹvbo uwa.

Obedaia 1:5

“Avbe oyi gha rre vbe asọn, emwi ne iran ho ọkpa ọ re iran viọ. Emwa gha kọlọ alimo ayọn, te iran ye sẹ ekherhe rae yọ. Sokpan, te avbe eghian ruẹn ra wa ya ruẹ obọ sin otọ fẹẹrẹ.

Maika 7:1

Ẹ i zẹdẹ maa, hiehie re! Te I ghi wa ye vbe ọmwa ne ohanmwẹ gbe ne ọ ma miẹn ọmọ erhan vbe uhunmwu erhan ra alimo ayọn vbe uhunmwu azara. Alimo ayọn hia kevbe avbe ọmọ erhan ni rhiẹnrhiẹn, iran kọlọ ehia fo nẹ.

Diuteronomi 24:19

“Wa gha rhọ emwiokọ uwa ighẹ wa ma viọ eso vbọ gha die owa, ighẹ ọka ne uwa fiaẹn, wa ghẹ vbe dọlegbe gha khian rhunmwuda ọnii, wa sẹ enii rae ne avbe erhunmwuyẹn, emọ ne ẹ i mwẹ erha, kevbe avbe ẹgbẹ, ne Nọyaẹnmwa Osanobua ruẹ miẹn ehe na gha fiangbe uẹ vbe emwi ne u ru hia.

Diuteronomi 24:20

Wa gha kọlọ erhan ọliv uwa nẹ uhukpa, wa ghẹ vbe werriegbe ya rhọ ne ọ ghi dekẹe. Avbe orhunmwuyẹn, emọ ne ẹ i mwẹ erha kevbe avbe ẹgbẹe ọ re ọ ghi yan enii.

Diuteronomi 24:21

Wa gha rhọ emwiokọ ne a ya ru ayọn ne ọ baa ọghe uwa nẹ uhukpa, wa ghẹ vbe werriegbe ya gbe ẹre ọrriẹ ukpogieva, ọmọ erhan nii ghi ke ẹe, ọghe avbe orhunmwuyẹn, emọ ne ẹ i mwẹ erha kevbe avbe ẹgbẹ ọ re enii khin.

Giọgis 8:2

Sokpan rẹn keghi tama iran wẹẹ, “Emwi ne imẹ ru ma zẹdẹ sẹ vbe ne uwa ru hiehiere. Uhin emwi kherhe ne uwa ne ivbi Ifreim ru kpọlọ sẹ emwi hia ne ekhuarha mwẹ he ru ukhukhu uri.

Ebe Rut 2:2

Ẹdẹ ikẹtin e Rut keghi tama Naomi wẹẹ, “Gunmwẹ gha rrie ugbo ne I ya gha rhọ vbe erhan ọka ne iran ni rhọ emwiokọ rhọ sẹrae. I gha rhọ ẹre lele ikpia eso nẹ, ọ gha kue yọ ne I gha rhọ ẹre.” E Naomi keghi wanniẹn wẹẹ, “Gha khian ovbi mwẹ.”