Levitikọs 18:30 - Edo Bible (E Baibol Ẹdo) Version 1996

³⁰ E Nọyaẹnmwa ke kha wẹẹ, “Wa gha rhie owẹ lele ilele ne I rhie ne uwa, wa ghẹ yin uyinmwẹ avbe iran ni ka gha rre otọe nii khẹ uwa, wa ghẹ mu awua gie egbe uwa vbe ekpa ne uwa gha na ru avbe emwi na. Mẹ ọre Nọyaẹnmwa ne Osanobua rua.”

Levitikọs 18:30 ပူးပေါင်းရင်းမြစ်များ

I Ọba 14:24

Ne ọ ghi wa rhia sẹ ehia, ikpia kevbe ikhuo kegha rrọọ ni gha do ẹki ebabotu vbe aro ẹbọ iran ni ru ẹbọ. Ivbi Izrẹl kegha ru emwi emwiekhue hia ne emwa ne e Nọyaẹnmwa khulo kua vbe ivbi Izrẹl dee ra do la ẹvbo nii, ru.

I Ọba 21:26

Rẹn ọ re ọmwa ne ọ he ru emwi emwiekhue sẹẹ vbe ekpa ẹbọ ne a ga zẹ vbene emwa Amọri gha ru, emwa ne e Nọyaẹnmwa khulo hin otọe ni rre vbe ivbi Izrẹl dee.)

Ẹzra 9:1

A ghi ru avbe emwi na hia fo nẹ, eso vbe uwu avbe ọkaolotu keghi do khama mwẹ wẹ, emwa nii, avbe ohẹn, deba avbe Livai ma bi egbe ne emwa ni lẹga iran, Amọn, e Moab, Igipt, emwa Kenan, Hiti, Pẹriz, Jebus, kevbe Amọri, emwi osọnnọ ne avbe emwa nii ru ọ re iran vbe ru.

Levitikọs 18:29

Wa rẹnrẹn wẹ ọmwaikọmwa ne ọ ru emwi ifaegbua na, a i ghi ka ẹe ba emwa Osanobua.

Levitikọs 19:1

E Nọyaẹnmwa keghi tama e Mosis,

Levitikọs 20:23

Wa ghẹ rhie uyinmwẹ emwa nigẹbọ ne I mẹ ra khulo kua ne uwa miẹn ehe na la otọ iran. Te egbe emwi dan ne iran ru wa wọ mwẹ.

Levitikọs 22:9

“Avbe ohẹn hia ghi lele emwamwa ne I mu ye otọ. De ghẹ ẹ i re vberriọ iran gha rrie abe, a ghi vbe gbele iran an, rhunmwuda, iran rra uhi emwamwa ne ọ huanrẹn. Mẹ ọ re Nọyaẹnmwa, mẹ ọ re ọ vbe ya iran khian ne ọ huanrẹn.

Diuteronomi 11:1

“Wa ho ẹmwẹ Nọyaẹnmwa Osanobua rua, ne uwa vbe gha ya uhi ẹre hia ru emwi.

Diuteronomi 12:30

E Nọyaẹnmwa gha fuẹn avbe ẹvbo na an nẹ, wa gie a miẹn wẹ wa ma gha gho emwi ne iran gha gho rhunmwuda, uwu ọ re ọ ke ẹre ikian. Ghẹ vbe gha wọlọ otọ ẹre ne u miẹn ehe na rẹn vbene iran ya ga ẹbọ iran hẹ ne uwa miẹn ehe na vbe gho ẹre vbene iran ru.

Diuteronomi 12:31

Wa ghẹ ga e Nọyaẹnmwa Osanobua rua vbene iran ya gho ẹbọ iran, rhunmwuda, iran gha gho ẹbọ iran, iran ghi ru emwi osọnnọ hia ne ọ sọnnọ e Nọyaẹnmwa. Uhin ighẹ te iran ya ivbi iran zọ ese vbe uhunmwu aka iran.

Giọgis 20:6

Ọre I na mu ikun ẹnrẹn, I na giagia ẹre ukhiọnmwẹ, I na ghae ẹre la otọ Izrẹl hia. Emwi dan, emwi ọrhiae ọ re iran na ru vbe uwu ẹbu ima.