Levitikọs 18:3 - Edo Bible (E Baibol Ẹdo) Version 1996

³ Ghẹ lele uyinmwẹ emwa Igipt, ehe ne uwa te gha ye ra ọghe emwa Kenan, ehe ne I viọ uwa rrie.

Levitikọs 18:3 ပူးပေါင်းရင်းမြစ်များ

II Ọba 17:8

Iran kegha yin uyinmwẹ emotọ ọghe emwa ne Nọyaẹnmwa khulo hin vbe emwa nii dee, iran kevbe ye obọ ye uyinmwẹ ọmotọ ne avbe ọba Izrẹl ya rre.

Psalm 106:35

Sokpan, iran keghi gba gha ya ọmọ ne egbe iran na gha yin uyinmwẹ igẹbọ iran.

Ẹksọdọs 23:24

Wa ghẹ ya uhunmwu rhanmwẹ otọ ne ẹbọ iran, wa ghẹ vbe ga iran. Wẹ ghẹ gho emwi ne avbe emwa nii gho wa ghi fuẹn avbe ẹbọ iran an fẹẹrẹ, wa ghi wa dunmwu okuta ẹbọ iran an.

Ezikiẹl 23:8

Iwinna ebabotu ne ọ suẹnrẹn vbe ọ rre Igipt, ehe ne ọghẹrẹ ọre na fian, ọ keghi ye gha ru ẹe khian. Ẹghẹ ne ọ he na rre ọvbokhan okhuo, ọre avbe ikpia kegha gu ẹe ru emwi, iran kegha ru ẹe vbene a ru ebabotu.

Levitikọs 20:23

Wa ghẹ rhie uyinmwẹ emwa nigẹbọ ne I mẹ ra khulo kua ne uwa miẹn ehe na la otọ iran. Te egbe emwi dan ne iran ru wa wọ mwẹ.

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Diuteronomi 12:4

“Wa ghẹ ga e Nọyaẹnmwa Osanobua uwa zẹ vbene iran na ya gho ẹbọ iran.

Diuteronomi 29:17

Wa miẹn ẹbọ osọnnọ iran, ne iran ya okuta, erhan, esiliva kevbe igoru ru.

Diuteronomi 9:4

“E Nọyaẹnmwa Osanobua uwa ghẹ ghi khulo iran ladian nẹ, wa ghẹ gha tama egbe uwa wẹ te Nọyaẹnmwa viọ uwa gha die otọe na ne uwa do yan rẹn rhunmwuda ighẹ te ọ khẹke uwa. Hiehiere, te Nọyaẹnmwa ra khulo iran ladian ne uwa, rhunmwuda ighẹ emwa dan iran khin.