Levitikọs 18:26 - Edo Bible (E Baibol Ẹdo) Version 1996

^26-27 Iran ke ru a i ghẹru na hia, iran na mu awua ye otọe nii, sokpan wa ghi rhie owẹ lele uhi kevbe ilele ọghe Nọyaẹnmwa, a ghẹ gie a miẹn ọmwarhọkpa vbe uwu uwa, ọre ovbi Izrẹl nọ ra orhunmwuyẹn ni rre ẹbu uwa, ne ọ gha ru avbe emwi na.

Levitikọs 18:26 ပူးပေါင်းရင်းမြစ်များ

I Ọba 14:24

Ne ọ ghi wa rhia sẹ ehia, ikpia kevbe ikhuo kegha rrọọ ni gha do ẹki ebabotu vbe aro ẹbọ iran ni ru ẹbọ. Ivbi Izrẹl kegha ru emwi emwiekhue hia ne emwa ne e Nọyaẹnmwa khulo kua vbe ivbi Izrẹl dee ra do la ẹvbo nii, ru.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 17:8

Ovbi Izrẹl ra orhunmwuyẹn nii rre uwu ẹbu iran, ne ọ rhirhi zọ ese na giẹn uan ra ese ọvbehe ne ọ rhirhi gha khin.

Levitikọs 18:25

Uyinmwẹ iran keghi mu awua ye otọe nii, rhunmwuda ọnii, ọre Nọyaẹnmwa na rria otọe nii ikhi, vbe ne ọ na ya ẹe gha zẹ emwa ni yin ẹnrẹn owẹ.

Levitikọs 18:30

E Nọyaẹnmwa ke kha wẹẹ, “Wa gha rhie owẹ lele ilele ne I rhie ne uwa, wa ghẹ yin uyinmwẹ avbe iran ni ka gha rre otọe nii khẹ uwa, wa ghẹ mu awua gie egbe uwa vbe ekpa ne uwa gha na ru avbe emwi na. Mẹ ọre Nọyaẹnmwa ne Osanobua rua.”

Levitikọs 18:5

Wa gha ru emwi zẹ vbene I mwamwa uhi ẹre ye otọ ne uwa. Te uwa ra ya ẹe sinmwi uhunmwu uwa ye agbọn deghẹ wa ru vberriọ. Mẹ ọrọre Nọyaẹnmwa.

Iyẹn ne ọ Maan Ọghe Luk 11:28

Sokpan Jesu wanniẹn wẹẹ, “Gie ta ẹe vbe nian wẹẹ, umiẹn egie ne iran ye ighe iran ni họn ẹmwẹ Osanobua iran na vbe ya ẹe ru emwi.”

Iyẹn ne ọ Maan Ọghe Luk 8:15

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

Iyẹn ne ọ Maan Ọghe Jọn 14:15

“Deghẹ wa ho ẹmwẹ mwẹ, wa gha họn ẹmwẹ mwẹ.

Iyẹn ne ọ Maan Ọghe Jọn 15:14

Erriọ nọ, ose mwẹ wa khin deghẹ wa da uhi mwẹ yi.

Diuteronomi 12:32

“Wa ru emwi hia ne I tama uwa ne uwa ru, wa ghẹ fian yọ, wa ghẹ fian hin.

Diuteronomi 4:40

Wa gha ya uhi ẹre hia ne I viọ ne uwa ẹre na ru emwi, ẹghẹ nii agbọn ghi gha ma uwa ma ivbi uwa. Wa ghi vbe gha yin otọe nii ne Nọyaẹnmwa Osanobua uwa mu ne uwa ne ọ gha re ọghe uwa ẹdẹdẹmwẹdẹ.”