Levitikọs 18:24 - Edo Bible (E Baibol Ẹdo) Version 1996

²⁴ Wa ghẹ yin avbe uyinmwẹ na ya mu awua gie egbe uwa. Odẹ vbenian, ọre avbe ni ga ẹbọ ni ka gha rre otọe na khẹ uwa ya mu awua gie egbe iran, te Nọyaẹnmwa ghi khulo iran kua na ne uwa miẹn ehe na larọ.

Levitikọs 18:24 ပူးပေါင်းရင်းမြစ်များ

Gẹnẹsis 15:16

Ọ gha sẹ orre enẹ, uniẹn ruẹn ke dọlegbe gha die emwa; rhunmwuda mẹ I ra khulo emwa Amọri ladian, a te do miẹn wẹẹ, iran ru emwi dan ne ọ na kei ne a rri iran oya.”

I Ọba 9:7

ẹghẹ nii I ghi viọ ivbi Izrẹl ne emwa mwẹ hin otọe ne I mu ne iran rre. I ghi fi iyeke gbe Ọgua Osa na ne I ya khian ne ọ huanrẹn ne a ya gha ga mwẹ, emwa hia ghi gha giẹ Izrẹl vbe ehe hia, iran ghi vbe gha yagha ẹe.

II Krọnikol 33:2

Uyimwẹ ẹwia ne avbe emwa ne Nọyaẹnmwa khulo hin otọe ni rre vbe ivbi Izrẹl dee, ọ re ọ wa lele, e Manasẹ keghi sẹmwẹ e Nọyaẹnmwa.

Ẹzra 9:1

A ghi ru avbe emwi na hia fo nẹ, eso vbe uwu avbe ọkaolotu keghi do khama mwẹ wẹ, emwa nii, avbe ohẹn, deba avbe Livai ma bi egbe ne emwa ni lẹga iran, Amọn, e Moab, Igipt, emwa Kenan, Hiti, Pẹriz, Jebus, kevbe Amọri, emwi osọnnọ ne avbe emwa nii ru ọ re iran vbe ru.

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Jerimaia 44:4

I kegha giee avbe eguọmwadia mwẹ ighe avbe akhasẹ gie uwa, iran na vbe gha tama uwa ne uwa ghẹ gha ru avbe emwi dan na ne ẹ i yẹ mwẹ.

Ezikiẹl 36:17

“Ovbi ọmwa ẹghẹ ne avbe ivbi Izrẹl na gha rre otọe iran, iran keghi ya emwi ne iran ru kevbe uyinmwẹ iran mu awua ye otọe nii, I keghi ghe uyinmwẹ ne iran yin zẹ vbe emwi ne awua ye zẹ vbene ọ rre egbe okhuo ne ọ mu obọ mwẹ.

Levitikọs 18:3

Ghẹ lele uyinmwẹ emwa Igipt, ehe ne uwa te gha ye ra ọghe emwa Kenan, ehe ne I viọ uwa rrie.

Levitikọs 18:30

E Nọyaẹnmwa ke kha wẹẹ, “Wa gha rhie owẹ lele ilele ne I rhie ne uwa, wa ghẹ yin uyinmwẹ avbe iran ni ka gha rre otọe nii khẹ uwa, wa ghẹ mu awua gie egbe uwa vbe ekpa ne uwa gha na ru avbe emwi na. Mẹ ọre Nọyaẹnmwa ne Osanobua rua.”

Nọmbas 35:34

Wa ghẹ mu awua ye otọ ne uwa ye, rhunmwuda mẹ ne Nọyaẹnmwa deba ẹre, te imẹ rre uwu ẹbu ivbi Izrẹl.

I Kọrinti 3:17

Rhunmwuda ọnii, ọmwaikọmwa ne ọ mu owa Osanobua rhia, Osanobua gha vbe mu ẹn rhia. Rhunmwuda emwi ne ọ huanrẹn ọre owa Osanobua khin, owa ẹre ọre uwa tobọ uwa khin.

Diuteronomi 12:31

Wa ghẹ ga e Nọyaẹnmwa Osanobua rua vbene iran ya gho ẹbọ iran, rhunmwuda, iran gha gho ẹbọ iran, iran ghi ru emwi osọnnọ hia ne ọ sọnnọ e Nọyaẹnmwa. Uhin ighẹ te iran ya ivbi iran zọ ese vbe uhunmwu aka iran.

Diuteronomi 18:12

E Nọyaẹnmwa Osanobua rua i ho ẹmwẹ emwa ni ru emwi emwiekhue na, ọ ni ọ si ẹe ne ọ na khulo avbe emwa nii hin otọe nii rre vbene uwa ya nana sikẹ odaro.

Diuteronomi 9:4

“E Nọyaẹnmwa Osanobua uwa ghẹ ghi khulo iran ladian nẹ, wa ghẹ gha tama egbe uwa wẹ te Nọyaẹnmwa viọ uwa gha die otọe na ne uwa do yan rẹn rhunmwuda ighẹ te ọ khẹke uwa. Hiehiere, te Nọyaẹnmwa ra khulo iran ladian ne uwa, rhunmwuda ighẹ emwa dan iran khin.

Diuteronomi 9:5

Ẹ i re rhunmwuda ighẹ wa maa, ra te uwa ru emwi ne ọ kere ne ọ ra na gie uwa mu otọe iran. Ọ gha khulo iran ladian rhunmwuda, emwa dan iran khin, kevbe wẹ rẹn gha ho ne ọ mu ile ne ọ gu avbe erha uwa odede Ebraham, Aizik kevbe Jekọb ta sẹ.

Giọgis 20:10

Obọkpa vbe uwu igbe vbe ivbi Izrẹl ghi viọ evbare ne ivbi iyokuo, ni ghi de kẹe ghi ya rri e Gibea oya ye uyinmwẹ ihin ne iran yinrin vbe Izrẹl.”

Giọgis 20:5

Ivbi e Gibea kegha dee do mu mwẹ, iran keghi ghae lẹga owa nii vbe asọn. Te iran te ho ne iran gbe mwẹ uan. Sokpan ye ihe ọnii, iran keghi mu ọse mwẹ, iran keghi ye ẹtin vbe iwegbe gha gu ẹe ru emwi ọdọ vbe amwẹ, rẹn na ghi wu.

Giọgis 20:6

Ọre I na mu ikun ẹnrẹn, I na giagia ẹre ukhiọnmwẹ, I na ghae ẹre la otọ Izrẹl hia. Emwi dan, emwi ọrhiae ọ re iran na ru vbe uwu ẹbu ima.