Levitikọs 18:2 - Edo Bible (E Baibol Ẹdo) Version 1996

² ne ọ tama ivbi Izrẹl wẹẹ, “Mẹ ọrọre Nọyaẹnmwa ne Osanobua rua.

Levitikọs 18:2 ပူးပေါင်းရင်းမြစ်များ

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Psalm 33:12

Afiangbe ọrọre ọghe uhunmwu ẹvbo ne Nọyaẹnmwa re Osanobua ẹre. Afiangbe ọrọre ọghe emwa ne irẹn zẹ ya ru ọghọe.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Ezikiẹl 20:5

Tama iran vbene I khare. Ẹghẹ ne I na hannọ Izrẹl zẹ, te I ve iran emwi. I rhie egbe mwẹ ma iran vbe Igipt, I keghi tama iran wẹẹ: Mẹ ọrọre Nọyaẹnmwa ne Osanobua rua.

Ezikiẹl 20:7

I keghi tama iran ne iran viọ ẹbọ osọnnọ ne iran ho ẹmwẹ ọnrẹn kua, kevbe ne iran ghẹ ye ẹbọ ohoghe ọghe Igipt mu awua ye egbe iran egbe, rhunmwuda, mẹ ọrọre Nọyaẹnmwa ne Osanobua iran

Levitikọs 11:44

Mẹ ọre Nọyaẹnmwa Osanobua rua, wa ghi ya egbe khian ni huanrẹn rhunmwuda ọmwa ne ọ huanrẹn ọre ime khin.

Levitikọs 18:1

E Nọyaẹnmwa tama e Mosis wẹ,

Levitikọs 18:30

E Nọyaẹnmwa ke kha wẹẹ, “Wa gha rhie owẹ lele ilele ne I rhie ne uwa, wa ghẹ yin uyinmwẹ avbe iran ni ka gha rre otọe nii khẹ uwa, wa ghẹ mu awua gie egbe uwa vbe ekpa ne uwa gha na ru avbe emwi na. Mẹ ọre Nọyaẹnmwa ne Osanobua rua.”

Levitikọs 18:4

Wa gha ya uhi mwẹ ru emwi ne uwa vbe gha ru vbene I kha re. Mẹ ọrọre Nọyaẹnmwa ne Osanobua uwa.”

Levitikọs 19:10

Wa ghẹ dọlegbe la ugbo emwi okọ ayọn nọbaa ne uwa rhọ ọmọ rẹn ne ọ te kharha kua. Wa sẹ enii rae ne avbe ivbiogue kevbe avbe orhunmwuyẹn. Mẹ ọ re Nọyaẹnmwa Osanobua rua.

Levitikọs 19:34

Wa gha ya obọ ne uwa ya mu ivbi Izrẹl ne iho uwa mu iran, wa ghi vbe gha ho ẹmwẹ iran vbene uwa ho ẹmwẹ egbe uwa. Wa yerre ighẹ orhunmwuyẹn wa gha khin vbe otọe Igipt. Mẹ ọ re Nọyaẹnmwa ne Osanobua rua.

Levitikọs 20:23

Wa ghẹ rhie uyinmwẹ emwa nigẹbọ ne I mẹ ra khulo kua ne uwa miẹn ehe na la otọ iran. Te egbe emwi dan ne iran ru wa wọ mwẹ.

Levitikọs 20:7

Wa da egbe uwa yi vbe ne ọ huanrẹn rhunmwuda mẹ ọ re Nọyaẹnmwa Osanobua rua.