Levitikọs 17:8 - Edo Bible (E Baibol Ẹdo) Version 1996

⁸ Ovbi Izrẹl ra orhunmwuyẹn nii rre uwu ẹbu iran, ne ọ rhirhi zọ ese na giẹn uan ra ese ọvbehe ne ọ rhirhi gha khin.

Levitikọs 17:8 ပူးပေါင်းရင်းမြစ်များ

II Samuẹl 24:25

Ọ keghi gba aka ye evba ne Nọyaẹnmwa, ọ na zọ ese ne a giẹn uan kevbe isara. E Nọyaẹnmwa keghi họn erhunmwu ẹnrẹn, egboghogbogho nii keghi dobọyi vbe Izrẹl.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Levitikọs 17:9

Vbe ehe ọvbehe gberra onurho Owa Ukpọn Ile, ghe Nọyaẹnmwa, a ghẹ dọlegbe ka ẹe ba emwa Osanobua.

Levitikọs 3:7

Ọmwa gha ya ohuan haoko,

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Jọsua 22:11

Ivbi Izrẹl nekpa keghi họn, a keghi tama iran wẹẹ, “Wa danmwẹ ehọ, emwa ni rre ẹwae Riubẹn, e Gad kevbe odẹ ahọ vbe ẹwae Manasẹ bọ aka ye Gelilot vbe ọkpẹn uwu vbe obọ ne ọ re ọghe ima vbe Jọdan.”

Jọsua 22:15

Iran keghi sẹ otọe Giliad, iran na tama emwa Riubẹn, e Gad kevbe odẹ ahọ vbe ẹgbẹe Manasẹ wẹẹ.

Jọsua 22:16

Ẹmwẹ ne emwa e Nọyaẹnmwa hia khare ọ re ọna khin, “Vbọzẹ ne uwa na ru emwi dan na ghe Osanobua Izrẹl yi? Te uwa ra sọtẹ ghe e Nọyaẹnmwa vbe ne uwa na bọ aka na ne egbe uwa! Wa i ghi lele irẹn ọvbehe!

Giọgis 6:26

U ghi bọ aka esiesi yan ehe ne a guọghọ ena yi ne Nọyaẹnmwa Osanobua ruẹ. U ghi mu ẹkhuia ne ogieva nii, u ghi giẹn ọnrẹn uan zẹ vbe emwi izọ ese ke ẹe kevbe ọkpọ ne a giagia kua nii.”

I Samuẹl 10:8

U ghi ke odaro mẹ gha rri Gilgal, I gha do vba ruẹ vbe odọ ne i do zọ ese na giẹn uan kevbe isara. U ghi mudia la ikpẹdẹ ihinrọn khẹ mwẹ vbe evba I te do tama ruẹn emwi ne u gha ru.”

I Samuẹl 16:2

E Samuẹl keghi nọọn wẹẹ, “Vbe i a gha na ru emwi vberriọ hẹ? E Sọl gha họn te ọ gbe mwẹ uan!” E Nọyaẹnmwa keghi wanniẹn wẹẹ, “Mu ovbi ẹkhuia ẹmila mwẹ obọ, ne u kha wẹ te u do zọ ese ghe Nọyaẹnmwa.

I Samuẹl 7:9

E Samuẹl keghi gbe oteghe ohuan ọkpa, ọ keghi wa giẹn ikun ẹnrẹn uan zẹ vbe emwi izọese ghe e Nọyaẹnmwa. Ọ keghi na erhunmwu ghe e Nọyaẹnmwa, ne ọ yi ivbi Izrẹl obọ, e Nọyaẹnmwa keghi họn erhunmwu ẹnrẹn.