Levitikọs 17:10 - Edo Bible (E Baibol Ẹdo) Version 1996

¹⁰ Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 17:10 ပူးပေါင်းရင်းမြစ်များ

Gẹnẹsis 9:4

Emwi ọkpa kẹkan ọre ọ rrọọ ne u i khian re, ọnii ọre emiowo ne esagiẹn ye ye. I mu awua yọ rhunmwuda, esagiẹn ọre orhiọn ye.

II Samuẹl 23:17

Ọ keghi kha wẹẹ, “E Nọyaẹnmwa, mẹ i wọn ọna! Te ọ khian yevbe ne a wọn esagiẹn emwa na, ni rhie uhunmwu iran mwẹ atataobọ.” Rhunmwuda ọnii, ọ ma wọn ẹẹn. Enena ọrọre emwi udinmwẹ ne iran ne ivbiyokuo eha ni hin usi na ru.

Psalm 34:16

Sokpan, ọ mu aro da iran ni ru emwi dan, sẹrriọ wẹ, iran gha wu, banbanna a mianmian iran nẹ.

Ẹksọdọs 30:33

Ọmwaikọmwa ne ọ ru ọvbehe ya ta ẹre, ra ne ọ lo vbọ ye egbe ọmwa nẹ i re ohẹn, a ghi kan ẹn fua hin uwu ẹbu emwa rẹn rre!’ ”

Jerimaia 21:10

I wa tae nẹ, wẹ I i ra sẹ ẹvbo na rae sokpan, I fuẹn ọnrẹn ruan. A gha mu ẹẹn ne ọba e Babilọn, ọ ghi vbe giẹn ọnrẹn muotọ. Mẹ ne Nọyaẹnmwa taa ẹe nẹ.”

Jerimaia 44:11

“Rhunmwuda ọnii nian, mẹ ne Nọyaẹnmwa ne Oghodua, ne Osanobua Izrẹl gha mu aro aa uwa, I ghi fuẹn e Juda hia a.

Ezikiẹl 14:8

I gha mu aro da ẹre. I gha ya ẹe ru igiemwi. I gha yuo ẹre hin uwu ẹbu emwa mwẹ rre, ne uwa miẹn ehe na rẹn ighẹ mẹ ọrọre Nọyaẹnmwa.

Ezikiẹl 15:7

I ghi rri iran oya. Iran lẹ erhẹn ọkpa fe, sokpan erhẹn ọ re ọ ra ye vbe gien iran an nian. I gha rri iran oya nẹ, wa gha rẹn ighe mẹ ọrọre Nọyaẹnmwa.

Ezikiẹl 33:25

“Tama iran vbene imẹ ne Nọyaẹnmwa ne Udazi kha hẹ, wa rri emiowo ke ẹe kevbe esagiẹn. Wa gho ẹbọ. Wa de izigha. De emwi ne ọ ghi ya uwa gha ro yi ighe wa ọ re ọ yan otọ nii?

Ezikiẹl 44:7

Iran ru awua Ọgua Osa mwẹ vbekpa ne iran na gie avbe iran ni ma rhuẹ, avbe orhunmwuyẹn ne ẹ i họn ẹmwẹ mẹ, gha la uwu Ọgua Osa vbe ẹghẹ ne a ya ye ẹvbi aranmwẹ kevbe esagiẹn zọ ese ghe mwẹ. Rhunmwuda ọnii avbe emwa mwẹ rra uhi mwẹ vbekpa uyinmwẹ osọnnọ ne iran yin.

Levitikọs 17:11

Arrọ ọghe emwikemwi ne ọ ghi rre agbọn nẹ, esagiẹn ọre ọ ye, ọnii ọ zẹe ne Nọyaẹnmwa na ta ẹe wẹ ne a gha da esagiẹn hia ye uhunmwu aka ne ọ kpe orukhọ emwa nii kua. Te esagiẹn kpe orukhọ kua.

Levitikọs 19:26

“Wa ghẹ rri emiowo ke ẹe kevbe esagiẹn. Ghẹ zẹ ọbo imamase rhọkpa.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Emọs 9:4

Eghian iran gha viọ iran oghunmwu gha rrie iwe, I gha tama iran wẹ ne a gbele iran an. I wa ta ẹe nẹ wẹ te I ra fuẹn iran an, ẹ i re te I ra ya iran obọ.”

Iwinna 15:20

Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn.

Iwinna 15:29

wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”

Diuteronomi 12:16

Sokpan wa ghẹ rri esagiẹn iran; wa ghi hihiẹ ọe ku otọ zẹ vbe amẹ.

Diuteronomi 12:23

Emwi ọkpa nọ wẹ ne uwa ghẹ rri esagiẹn ọnrẹn vbe uwa a rri emiowo nii, rhunmwuda esagiẹn ọ re arrọọ ọghe ọe ye, wa ghẹ rri arrọọ ba emiowo.

Diuteronomi 15:23

Sokpan, wa ghẹ rri esagiẹn iran, wa ghi hihiẹ ọe ku otọe zẹ vbe amẹ.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

I Samuẹl 14:32

Iran keghi rhunmwuda onii de rhu emwi ne iran khọn viọ vbe obọ avbe eghian iran, iran keghi viọ avbe ohuan, ẹmila kevbe ivbi ẹmila, iran keghi gbele ehia vbe evba dandaandan, iran rri emiowo ẹre ke ẹe kevbe esagiẹn.

I Samuẹl 14:33

Iran keghi ya tama e Sọl wẹẹ, “Ghe vbe avbe emwa nii gha ru khọ ghe e Nọyaẹnmwa vbe kpa ne iran na rri emiowo ke ẹe kevbe esagiẹn.” E Sọl keghi datu wẹẹ, “Etẹ wa khin, wa werriẹ okuta nọkhua ọkpa bu mwẹ gha die emwa.”