Levitikọs 16:6 - Edo Bible (E Baibol Ẹdo) Version 1996

⁶ Ọ ghi ye ẹkhuia ẹmila zọ ese ye orukhọ ọghe emwa ẹgbẹe ẹre kevbe ọghe egbe ẹre.

Levitikọs 16:6 ပူးပေါင်းရင်းမြစ်များ

Job 1:5

Vbe owiẹ ne ọ ghi lele avbe ẹdẹ vberriọ, e Job ghi rhiọkpaegbe vbe owiẹ fioo, ọ ghi ya zọ ese ya họnmwẹ ivbi ẹre hia egbe ua. Emwi ne ọ ya ẹe ru ọna ọrọre wẹ rẹn rorẹe wẹ, u gha ghe, ọ defi eso unu vbọ, ọ na fi unu giẹ Osanobua.

Ezikiẹl 43:19

Avbe ohẹn ni re ẹwae Livai, ni vbe re ivbi uniẹn Zadọk, iran ni ọkpa ọ re ọ gha rrie odaro mwẹ do gha ga mwẹ. Mẹ ne Nọyaẹnmwa ne Udazi ọ re ọ yi iyi na. U ghi mu ovbi ẹkhuia ẹmila ne iran ya zọ ese ye orukhọ.

Ezikiẹl 43:27

Uzọla ọkpa ghẹ ghi gberra nẹ, avbe ohẹn ghi suẹn gha zọ ese vbe ogiukpo nii, ese ne a gien uan kevbe ọghe isara ọghe emwa nii. Ẹghẹ nii, ẹko uwa hia ghi do gha rhiẹnrhiẹn mwẹ. Mẹ ne Nọyaẹnmwa ne Udazi ọ re ọ tae.”

Levitikọs 16:3

Ọ gha mu ovbi ẹkhuia ẹmila ya zọ ese orukhọ nẹ, kevbe ogho ne ọ ya zọ ese na giẹn uan, iyeke ọnii, ọ sẹtin la uwu Ehe Nọhuansẹ Ehia nii.”

Levitikọs 16:7

Iyeke ọnii ọ ghi viọ ovbukhọ eva nii gha rrie onurho Owa Ukpọn Ile.

Levitikọs 9:7

Rẹn ke ghi tama Errọn wẹẹ, “Gha rrie aka ne u ya ru izẹọhẹ ese orukhọ ke ese na giẹn uan, ne ọ kpe orukhọ ọghe uwa kevbe ọghe emwa nii kua. U ghi ru izẹọhẹ ne ọ gha kpe orukhọ emwa kua zẹ vbene Nọyaẹnmwa khare.”

Hibru 7:27

Rẹn i yevbe avbe igie ohẹn nekpa, ẹ i vbe ka zọ ese ye orukhọ obọ ẹre nẹ ẹdẹgbegbe, zẹ vbe emwi ne ẹ i mwẹ a ma ru, ọ keghi do zọ ye ọghe emwa nekpa. Ọ zẹ ese nẹ uhukpa nii, ne emwa hia, vbe ẹghẹ ne ọ na ye egbe ẹre zọ ese.

Hibru 9:12

Ẹghẹ ne Kristi na la Ọgua ukpọn ni gberra, ne ọ na vbe la uwu esagiẹn ẹwe ra ẹmila, ne ọ ya zọ ese, sokpan, ọ keghi mu esagiẹn ọghe egbe ẹre, ọ na rhie imiẹnfan ẹtẹbitẹ gie ima.

Hibru 9:7

Sokpan Ogie Ohẹn ọkpa ọre ọ la Ọgua ukpọn ne ọ ke uwu ẹre, uhukpa ọre ọ vbe ru vberriọ vbe ukpo. Ọ ghi mu esagiẹn mwẹ, ọnii ọre ọ ya zọ ese ne egbe ẹre, kevbe ye orukhọ ne emwa ni hia ru, vbe ne iran ma na rẹn.