Levitikọs 16:4 - Edo Bible (E Baibol Ẹdo) Version 1996

⁴ E Nọyaẹnmwa keghi vbe tama iran ne iran ru vbenian wẹ. Vbe Errọn te la uwu Ehe Nọhuansẹ Ehia nii, ọ ghi khuẹ, ọ ghi vbe viọ avbe ẹwu ohẹn yegbe, ẹwu eto ovbiohuẹ, utalawẹ, ugbẹkun kevbe ukugba ọghe uhunmwu.

Levitikọs 16:4 ပူးပေါင်းရင်းမြစ်များ

Ẹksọdọs 28:2

U ghi se ẹwu ne ọ huanrẹn ne Errọn ne ọtuẹn ne ọ gha re ọghe ọghọ kevbe ose.

Ẹksọdọs 29:4

“Viọ Errọn kevbe ivbi ẹre gha die onurho Owa Ukpọn mwẹ ne iran khuẹ.

Ẹksọdọs 30:20

iran te gha la uwu Owa Ukpọn ne a na miegbe ra te iran ghi sikẹ aka ne iran ya winna iwinna iran zẹ vbe ohẹn, a i ghi ra gbele iran an a deghẹ iran ka ye amẹ nii khuẹ nẹ.

Ẹksọdọs 40:12

“U ghi rhie Errọn ke ẹe kevbe ivbi ẹre gha die onurho Owa Ukpọn ne iran khuẹ akhuẹ iruenmwi.

Aizaia 53:2

Iho ọghe Nọyaẹnmwa nọ wẹ, ne ọguọmwadia ẹre wan zẹ vbe erhan ne ọ zọre vbe otọe ne ọ kae. Ọ ma zogọ, ẹ i vbe mose a ma wẹ a gha miẹn emwi ọkpa ne ọ gha gie ima gha ghe ẹre. Ọsughe ọkpa ivbi rre ọre egbe, emwi ne ọ gha si ima sikẹ ọre i rrọọ.

Ezikiẹl 44:19

Iran te ladian gha rrie ore vbe ehe ne avbe emwa ye, iran ghi bannọ ukpọn ne iran yọe vbe uwu Ọgua Osa ye ughugha nọhuanrẹn nii. Iran ghi hẹ ukpọn ọvbehe ye egbe ne ukpọn nii ghẹ ya kuan avbe emwa nii.

Ezikiẹl 9:2

Vbe ọwarọkpa nii, arhin ehan keghi ke odẹ onurho ne ọ ke ore vbe odẹ okuọ gha dee, iran viọ emwi igbinna mwẹ. Orhiọnkpa ne ọ ya eto ovbiohuẹ mu egbe keghi lele iran, ọ mu emwi ne a ya gbẹnnẹ emwi mwẹ obọ. Iran hia keghi rre, iran na mudia ye ọkpẹn ogiukpo oze nii.

Levitikọs 16:23

Errọn ghi la uwu Owa Ukpọn Ile, ọ ghi kie ẹwu ohẹn ne ọ yọe ọ te la uwu Ehe Nọhuansẹ Ehia, ọ ghi sọrae ye evba.

Levitikọs 16:24

Ọ ghi ya khuẹ vbe ehe ne ọ huanrẹn, ọ ghi yọ ẹwu obọ ẹre, vbe iyeke ọnii, ọ ghi ladian ya zọ ese na giẹn uan, ne ọ ya kpe orukhọ egbe ẹre kua, kevbe ọghe avbe emwa nii.

Levitikọs 16:32

Ogie Ohẹn, ne a ya rri ohẹn ẹse, a na vbe ya fi ohan ne ọ di ukpo erha ẹe ya, ọ re ọ gha ru iruemwi akpehuan. Ọ ghi yọ ẹwu ohẹn.

Levitikọs 6:10

Ohẹn ghi yọ ẹwu eto ovbiohuẹ kevbe utalawẹ eto ovbiohuẹ, ọ ghi kpolo emuẹn ne ọ yevbe ọdan ne ọ rrọ hinrre, ọ ghi viọ ẹre ye asefẹn aka.

Levitikọs 6:3

Ra te ọ ta ohoghe ye ẹmwẹ emwi ne ọ wiri, vbene ọ gha na vẹn ihẹn wẹ rẹn ma miẹn ọẹn.

Iyẹn ne ọ Maan Ọghe Luk 1:35

Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.

Filipai 2:7

Sokpan rẹn keghi ya ekhọe obọ ẹre kuẹ ehia ye otọ, ọ na rhie egbe ye ihe ọguọmwadia, ọ keghi do ye vbe ọmwa kẹkan.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

Hibru 2:14

Vbene a na miẹn wẹ zẹ vbene ọ ta ẹe wẹ emwa ifun egbe kevbe esagiẹn iran khin, ighẹ avbe emọ nii, Jesu Kristi tobọ ẹre keghi vbe do gha ye vbene iran ye, vbe ekpa ne ọ na ghae vbe emwi emwa kẹkan ọghe iran. Emwi ne ọ ya ẹe ru ẹe ọrọre ne ọ sẹtin la ekpa uwu ne irẹn wu miẹn Esu uhunmwu, ọmwa ne ọre ne ọ khaemwisẹ yan uwu.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.