Levitikọs 16:3 - Edo Bible (E Baibol Ẹdo) Version 1996

³ Ọ gha mu ovbi ẹkhuia ẹmila ya zọ ese orukhọ nẹ, kevbe ogho ne ọ ya zọ ese na giẹn uan, iyeke ọnii, ọ sẹtin la uwu Ehe Nọhuansẹ Ehia nii.”

Levitikọs 16:3 ပူးပေါင်းရင်းမြစ်များ

Levitikọs 1:10

“A deghẹ ohuan ra ẹwe ẹre ọre ọ ra ya zọ ese, ọ ghi gha re ọwẹ ne ẹ i mwẹ okan.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 16:6

Ọ ghi ye ẹkhuia ẹmila zọ ese ye orukhọ ọghe emwa ẹgbẹe ẹre kevbe ọghe egbe ẹre.

Levitikọs 4:1

E Nọyaẹnmwa keghi tama e Mosis wẹẹ,

Levitikọs 4:3

Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Levitikọs 8:14

E Mosis keghi do mu ovbi ẹkhuia ẹmila ọghe ese orukhọ, Errọn kevbe ivbi ẹre keghi viọ obọ iran yan ẹre uhunmwu.

Levitikọs 8:18

Iyeke ọnii, e Mosis keghi mu ogho ne a ya zọ ese ne a giẹn uan rre, Errọn kevbe ivbi ẹre keghi viọ obọ iran yan ẹre uhunmwu.

Levitikọs 9:2

Ọ keghi tama Errọn wẹẹ, “Mu ovbi ẹkhuia ẹmila kevbe ogho ne ẹ i mwẹ okan ne uwa ya iran zẹ ọhẹ gie Nọyaẹnmwa, ẹkhuia ne ọ rrọọ, ọghe izọese orukhọ, ke ogho ne ọ rrọọ, ọ ghe izọese na giẹn uan.

Levitikọs 9:3

U ghi vbe tama ivbi Izrẹl ne iran mu ovbukhọ ya zọ ese orukhọ, ovbi ẹkhuia ne ọ rre ukpo ọkpa kevbe ogho ne ọ rre ukpo ọkpa, ne ẹ i mwẹ okan ne ese na giẹn uan.

Hibru 9:12

Ẹghẹ ne Kristi na la Ọgua ukpọn ni gberra, ne ọ na vbe la uwu esagiẹn ẹwe ra ẹmila, ne ọ ya zọ ese, sokpan, ọ keghi mu esagiẹn ọghe egbe ẹre, ọ na rhie imiẹnfan ẹtẹbitẹ gie ima.

Hibru 9:7

Sokpan Ogie Ohẹn ọkpa ọre ọ la Ọgua ukpọn ne ọ ke uwu ẹre, uhukpa ọre ọ vbe ru vberriọ vbe ukpo. Ọ ghi mu esagiẹn mwẹ, ọnii ọre ọ ya zọ ese ne egbe ẹre, kevbe ye orukhọ ne emwa ni hia ru, vbe ne iran ma na rẹn.