Levitikọs 16:29 - Edo Bible (E Baibol Ẹdo) Version 1996

²⁹ Emwamwa na, a ghi da ẹe yi ẹdẹdẹmwẹdẹ. Vbe ikpẹdẹ ne ogigbe ọghe uki ne ogihinrọn, ivbi Izrẹl hia, deba orhunmwuyẹn ni rre uwu ẹbu iran ghi yo aguẹ, iran ghẹ winna iwinna rhọkpa.

Levitikọs 16:29 ပူးပေါင်းရင်းမြစ်များ

I Ọba 8:2

Ehia kegha de vbe uki Etanim ne ọ re ẹghẹ emwiukpo Irhu ne a bọlọ vbe uki Etanim.

Ẹzra 3:1

Vbene ọ ghi te sẹ odẹ uki ne ogihinrọn, ivbi Izrẹl hia keghi gbe ẹkun sẹ otọ vbe dọmwadẹ ẹvbo iran. Iyeke ọnii, iran hia keghi si egbe koko vbe Jerusalẹm.

Ẹzra 8:21

A ghi sẹ Ẹzẹ ne a fiaẹn ọghe Ahava, I keghi wẹ ne ima hia yo aguẹ, ne avbe mu egbe rriotọ vbe odaro Osanobua mwa, ne a vbe rinmwiaẹn ne ọ su ima vbe okhian mwa, kevbe ne ọ degue ima kevbe ivbi ima deba emwi ne ima mwẹ hia.

Psalm 35:13

Vberriọ, ẹghẹ ne egbe ma na rran iran, ukpọn akhiẹ ọ re I gha rhuan. I kegha ya ohanmwẹ rri egbe, I na gbe uhunmwu kotọ na erhunmwu.

Psalm 69:10

I yo aguẹ ya mu egbe mwẹ rriotọ, emwa keghi gha zan mwẹ.

Ẹksọdọs 12:16

Vbe ikpẹdẹ nokaro kevbe ikpẹdẹ ne ne ogihinrọn, wa ghi do iko ugamwẹ. Wa ghẹ winna iwinna rhọkpa vbe avbe ẹdẹ nii, sokpan wa sẹtin le evbare.

Ẹksọdọs 20:10

sokpan ẹdẹ ne ogihinrọn, Ẹdẹ Ikẹtin ne a ya fiohan ne imẹ ọre nọ. Vbe ẹdẹ nii, ghẹ winna hiehie, ọre uwẹ nọ, ra ivbi uẹ, ra eviẹn ruẹn ra emwirri ruẹ, ra avbe erhunmwuyẹn nii rre ẹvbo ruẹ.

Ẹksọdọs 30:10

Errọn ghi ru ugamwẹ ayabọ orukhọ ọghe ukpẹ enenẹ nii rrọọ uhukpa vbe ukpo. Ọ ghi lo esagiẹn emwi ne a gbe ya zọ ese ye orukhọ. Wa ghi yevbe gha ru vberriọ vbe orre ne ọ dee. A ghi gie ẹe gha re aka ne ọ huanrẹn ẹsẹse ne a ya fi ohan ne imẹ ne Nọyaẹnmwa.”

Ẹksọdọs 31:14

Rhunmwuda ọnii, te uwa gha zẹ Ẹdẹ Ikẹtin kọ rhunmwuda, a ya ẹe khian kpataki ne uwa nẹ. Ọmwaikọmwa ne ọ ma zọe kọ ye ne ọ huanrẹn, a ghi gha gbe ẹe rua, kevbe ọmwaikọmwa ne ọ winna iwinna rhọkpa vbe Ẹdẹ Ikẹtin nii.

Ẹksọdọs 31:15

Ikpẹdẹ ehan ọre uwa gha ya gha winna iwinna uwa, sokpan ẹdẹ ne ogihinrọn, ẹdẹ ọghe ikẹtin ọre nọ, ne ọ huanrẹn nọ ne Nọyaẹnmwa. Omwa ne ọ rhirhi winna vbe ẹdẹ rriọ a ghi gha gbe ẹe rua.

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Aizaia 58:3

Emwa nii nọrẹn wẹẹ, “Vbọzẹ ne ima gha na gha ya aguẹ yi adeghẹ e Nọyaẹnmwa i dẹghe ẹre. Vbọzẹ ne ima gha na gha ya ohanmwẹ rriegbe adeghẹ rẹn i zẹ yọ.” E Nọyaẹnmwa tama iran wẹẹ, “Ẹmwata ne ọ rrọ ọrọre wẹ ẹghẹ ne uwa na rre aguẹ, iwinna obọ uwa ọ re uwa mu aro da, wa ghi vbe gha wọ iran ni winna ne uwa uhunmwu.

Aizaia 58:5

Wa gha rre aguẹ, wa ghi gha rri egbe uwa oya, wa ghi hierre vbe ebe irunmwu, wa ghi wa ukpọn akhiẹ kevbe emuẹn yotọ ne uwa gha lovbiẹ yi. Ọnii ọ re uwa tie ẹre aguẹ ra? Wa yayi wẹ ọnii gha yẹ imẹ ra?

Daniẹl 10:12

Ẹre irẹn na tama mwẹ wẹẹ, “E Daniẹl, ghẹ gie ohan muẹn Osanobua họọn erhunmwu ruẹn nẹ ke ikpẹdẹ ne u tae ighe u gha mu egbe ruẹ rriotọ ne u miẹn ehe na gha mwẹ irẹnmwi. Erhunmwu ne u na ọ re ọ ya mwẹ gha die emwa.

Daniẹl 10:3

I ma rri evbare esi, I ma rri emiowo rhọkpa, I ma da ayọn, I ma salọ eto mwẹ vbe uzọla eha nii tedo gba gberra.

Levitikọs 23:21

Vbe ẹdẹ ne ẹdẹrriọ wa ghẹ winna iwinna obọ rua rhọkpa, sokpan wa ghi si koko ne uwa ru ugamwẹ. Ivbi uniẹn ruan ghi gha lele ilele na ẹdẹdẹmwẹdẹ vbe ehe ne iran a rhirhi gha ye.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.

Levitikọs 23:36

Ẹdẹgbegbe vbe uwu ikpẹdẹ ihinrọn nii wa ghi ru izẹọhẹ evbare. Vbe ikpẹdẹ ne ogierẹnrẹn, wa ghi vbe dọlegbe si egbe koko ne uwa ru ugamwẹ, wa ghi vbe ru izẹ ọhẹ evbare. Ẹdẹ ugamwẹ nọ, wa ghẹ winna iwinna rhọkpa.

Levitikọs 25:9

ọ gha ghi sẹ ikpẹdẹ ne ogigbe ọghe uki ne ogihinrin, ẹdẹ Erinmwian nọ, u ghi giẹ ọmwa ne ọ si orhu la ẹvbo hia.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Nọmbas 29:7

Vbe ikpẹdẹ ne ogigbe, ọghe uki ne ogihinrọn, wa ghi si egbe koko ne uwa ru ugamwẹ, wa ghẹ rri evbare rhọkpa, wa ghẹ winna,

Iwinna 27:9

Ma keghi mobọ kpẹe vbe evba a keghi do miẹn wẹ ẹbe rrọọ deghẹ a wẹ ne a ye gha gua okọ khian, rhunmwuda, ẹghẹ ne a kha na, Ẹdẹ Amiẹn Ayabọ gberra nẹ. Pọl keghi rhunmwuda ọnii bu iran ude vbe nian wẹẹ:

I Kọrinti 11:31

Deghẹ ma ka gualọ otọ egbe ima ghe nẹ, ma i ghi gie Osanobua bu ohiẹn gbe ima.

Hibru 4:10

Rhunmwuda, ọmwaikọmwa ne ọ la owa ya gu Osanobua hẹwẹ, gha zobọ vbe iwinna ne ọ winna, zẹ vbene Osanobua vbe zobọ vbe iwinna ọghọe.

I Samuẹl 7:6

Iran keghi rhunmwuda ọnii ya miẹn egbe vbe Mizpa. Iran keghi sa amẹ, iran na sa ẹe kua zẹ vbe emwi imuohan ne Nọyaẹnmwa. Iran keghi wa ya ẹdẹrriọ hia gha rre aguẹ. Iran kegha kha wẹẹ, “Ma ru orukhọ ghe e Nọyaẹnmwa nẹ.” (E Samuẹl kegha rre Mizpa, ọ na gha khaemwisẹ yan ivbi Izrẹl.)