Levitikọs 16:23 - Edo Bible (E Baibol Ẹdo) Version 1996

²³ Errọn ghi la uwu Owa Ukpọn Ile, ọ ghi kie ẹwu ohẹn ne ọ yọe ọ te la uwu Ehe Nọhuansẹ Ehia, ọ ghi sọrae ye evba.

Levitikọs 16:23 ပူးပေါင်းရင်းမြစ်များ

Ezikiẹl 42:14

Avbe ohẹn gha rre uwu Ọgua Osa nẹ, iran na wẹ iran ra ladian, ẹkpotọ ne ọ rre ore, iran ghi bannọ avbe ukpọn nihuanrẹn ne iran yọe vbe iran ga e Nọyaẹnmwa yotọ vbe evba. Iran ghi viọ ukpọn ọvbehe yọ vbe iran a gha rrie ehe ne avbe emwa nii si koko yi.”

Ezikiẹl 44:19

Iran te ladian gha rrie ore vbe ehe ne avbe emwa ye, iran ghi bannọ ukpọn ne iran yọe vbe uwu Ọgua Osa ye ughugha nọhuanrẹn nii. Iran ghi hẹ ukpọn ọvbehe ye egbe ne ukpọn nii ghẹ ya kuan avbe emwa nii.

Levitikọs 16:22

Ẹwe nii ghi mu orukhọ iran hia; gha rrie otọ ne ẹvbo ma yin.

Levitikọs 16:4

E Nọyaẹnmwa keghi vbe tama iran ne iran ru vbenian wẹ. Vbe Errọn te la uwu Ehe Nọhuansẹ Ehia nii, ọ ghi khuẹ, ọ ghi vbe viọ avbe ẹwu ohẹn yegbe, ẹwu eto ovbiohuẹ, utalawẹ, ugbẹkun kevbe ukugba ọghe uhunmwu.

Levitikọs 6:11

Ọ ghi ya fi ẹwu werriẹ, ọ ghi viọ emuẹn nii lahin agọ rre gha rrie ehe ne ẹ i mwẹ awua.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.