Levitikọs 16:21 - Edo Bible (E Baibol Ẹdo) Version 1996

²¹ Ọ ghi viọ obọ re eveva yan ẹwe nii uhunmwu, ọ ghi miẹn rẹn kue uyimwẹ dan hia, ke avbe orukhọ kevbe uyinmwẹ isọtẹ ne ivbi Izrẹl ru yan ẹre uhunmwu, ọ ghi la ekpa odẹ vberriọ werriẹ ehia yan ẹwe nii uhunmwu. Iyeke ọnii, ọmwa ne a zẹ ye otọ ne ọ ru ẹe ghi khu ẹwe nii la uwu ato.

Levitikọs 16:21 ပူးပေါင်းရင်းမြစ်များ

Ẹzra 10:1

Vbe ẹghẹ ne Ẹzra na vbẹrre gha na erhunmwu vbe odaro Ọgua Osa, ọ na gha viẹ, ọ na vbe gha miẹn avbe orukhọ na kue, ivbi Izrẹl ni bun ẹsẹse, ikpia kevbe ibiẹka, keghi lẹga ẹre, iran na gha viẹ eve orriara.

Psalm 32:5

Ẹghẹ nii, I na miẹn orukhọ mwẹ kue ma ruẹn I ma vbe gbe gue alagberra mwẹ, I keghi wa miẹn ehia kue ma ruẹn, wẹ keghi vbe ya orukhọ mwẹ hia bọ mwẹ.

Psalm 51:3

Mẹ miẹn abakuru mwẹ hia kue; ẹghẹ hia ọ re I ya mu ẹmwẹ orukhọ mwẹ ro.

Ẹksọdọs 29:10

“U ghi mu ẹkhuia ẹmila nii gha die odaro Owa Ukpọn ne a na miegbe. Errọn kevbe ivbi ẹre ghi viọ obọ iran yan rẹn uhunmwu.

Itan 28:13

U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Levitikọs 1:4

Ọ ghi rhie obọ yan rẹn uhunmwu, a ghi rhan obọ miẹn rẹn zẹ vbe ese ne ọ gha viọ orukhọ ẹre gha rrie.

Levitikọs 16:20

Errọn ghẹ ghi ru iruemwi ọkpehuan ọghe Ehe Nọhuansẹ Ehia nii nẹ, kevbe ehe ne ọ ghi kẹe vbe Owa Ukpọn Ile, kevbe aka, ọ ghi mu ẹwe ne ọ ma he wu ne a wẹ ne a mu ne Azazẹl nii gie Nọyaẹnmwa.

Levitikọs 16:22

Ẹwe nii ghi mu orukhọ iran hia; gha rrie otọ ne ẹvbo ma yin.

Levitikọs 26:40

“Sokpan avbe ivbi uwa gha miẹn orukhọ iran kue, ọghe avbe erha iran odede kue, emwa ni muan mwẹ ẹmwẹ, iran na vbe sọtẹ ghe mwẹ.

Levitikọs 5:5

Ọmwa gha rria abe, ọ ghi miẹn orukhọ nii kue.

Ebe ne Pọl gbẹẹn gie emwa Rom 10:10

Rhunmwuda ekhọe ọre ima ya yayi, a keghi dọlọ ima kugbe ba Osanobua, ma ye unu mwa tae ladian, a keghi miẹn mwa fan.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.