Levitikọs 16:18 - Edo Bible (E Baibol Ẹdo) Version 1996

¹⁸ ọ ghi vbe gha rrie aka ese na giẹn uan ne ọ vbe ya họnmwẹ ọẹn ruan, ọ ghi rhie vbe esagiẹn ẹkhuia ẹmila nii kevbe esagiẹn ẹwe nii, ọ ghi ya ẹe woo ehe ne aka na sukpẹ ladian vbe igienenẹ.

Levitikọs 16:18 ပူးပေါင်းရင်းမြစ်များ

Ẹksọdọs 30:10

Errọn ghi ru ugamwẹ ayabọ orukhọ ọghe ukpẹ enenẹ nii rrọọ uhukpa vbe ukpo. Ọ ghi lo esagiẹn emwi ne a gbe ya zọ ese ye orukhọ. Wa ghi yevbe gha ru vberriọ vbe orre ne ọ dee. A ghi gie ẹe gha re aka ne ọ huanrẹn ẹsẹse ne a ya fi ohan ne imẹ ne Nọyaẹnmwa.”

Ezikiẹl 43:20

U ghi rhie vbe esagiẹn ọnrẹn, u ghi sa ẹe yan ehe ne ọ yuo ladian vbe odukhunmwu ogiukpo vbe dọmwadẹ ehọ ẹre, u ghi vbe sa ye adesẹneva ogiukpo, kevbe lẹga ehọ ẹre hia. Odẹ vberriọ, u gha ya ogiukpo khian nọhuanrẹn, u ghi vbe ya ẹe fi ohan.

Ezikiẹl 43:22

Ẹdẹ ne ọ lele ẹe, u ghi mu ovbukhọ ne ẹ i mwẹ okan, u ghi ya ẹe zọ ese ye orukhọ. U ghi ya esagiẹn ọnrẹn sa afọ ye ogiukpo zẹ vbene u vbe ya ọghe ẹkhuia ẹmila ru ẹe.

Ezikiẹl 45:19

Ohẹn ghi rhie vbe esagiẹn emwi ne a ya zọ ese ye orukhọ na, ọ ghi sa ẹe ku onurho Ọgua Osa, kevbe igienenẹ ọghe Ogiukpo, kevbe onurho ne a la lao ikun ne ọ ke uwu ẹre.

Levitikọs 16:16

Odẹ vberriọ, ọre ọ gha ru iruemwi ne a ya kpe awua kua hin Ehe Nọhuansẹ Ehia rre, hin obọ emwi awua ivbi Izrẹl rre, kevbe hin obọ orukhọ iran hia rre. Ọ ghi ru Owa Ukpọn Ile vberriọ rhunmwuda adesẹneva agọ ne awua ye nii ọre ọ ye.

Levitikọs 16:17

A ghẹ gie a miẹn ọmwa rhọkpa vbe uwu Owa Ukpọn Ile nii ke ẹghẹ ne Errọn ya lao uwu Ehe Nọhuansẹ Ehia nii ne ọ ya ru iruemwi akpehuan, rhinrin ọ te do ladian. Ọ ghi ka ru emwi ne egbe ẹre, kevbe ẹgbẹe ẹre kevbe avbe emwa nii nẹ,

Levitikọs 4:18

Ọ ghi rhie vbe esagiẹn ọnrẹn ye ehe ne aka eturari ye vbe uwu Owa Ukpọn, ọ ghi hihiẹ ni dekẹe ye ẹzi aka ne a na giẹn ese, ne ọ rre onurho owa ukpọn.

Levitikọs 4:25

Ohẹn ghi fi ikpinhianbọ ẹre ye uwu esagiẹn aranmwẹ na, ọ ghi rhie ẹre ye ukpẹ ni rre okhiẹ aka nii, ọ ghi hihiẹ ni dekẹe ye ẹzi aka nii.

Levitikọs 4:7

Iyeke ọnii ọ ghi rhie eso vbe esagiẹn ye ehe ne ọ zẹ ukpẹ ladian vbe aka ne a na giẹn eturari vbe uwu Owa Ukpọn e Nọyaẹnmwa. Ọ ghi hihiẹ esagiẹn ne ọ dekẹe ye ẹzi aka ne a na giẹn emwi izọ ese vbe onurho Owa Ukpọn nii.

Nọmbas 28:22

U ghi vbe gbe ovbukhọ ọkpa zẹ vbe ese orukhọ, u ghi la odẹ vberriọ ru iruemwi akpehuan ne emwa nii.

Iyẹn ne ọ Maan Ọghe Jọn 17:19

Rhunmwuda iran, ọre I na ya egbe mwẹ fi ohan nuẹn, ne iran tobọ iran miẹn ehe na vbe khian ọwuẹ vbe ẹmwata.

Hibru 2:11

Ọ khuẹ emwa huan hin orukhọ iran rre, irẹn kevbe emwa ni irẹn khuẹ huan, erha ọkpa iran mwẹ. Ọnii ọ si ẹe ne ekhue i na mu Jesu vbe ọ gha tie iran etiọnrẹn.