Levitikọs 16:14 - Edo Bible (E Baibol Ẹdo) Version 1996

¹⁴ Ọ ghi rhie vbe esagiẹn ẹkhuia ẹmila nii, ọ ghi ya ikpinhianbọ ẹre sanmwẹ ọẹn ye odaro ugue ẹkpẹti nii, ọ ghi sanmwẹ eso ye odaro Ẹkpẹti Ile nii igba ihinrọn.

Levitikọs 16:14 ပူးပေါင်းရင်းမြစ်များ

Levitikọs 16:19

Ọ ghi vbe ya ikpinhianbọ ẹre sanmwẹ esagiẹn yan rẹn igba ihinrọn. Odẹ vberriọ, ọre ọ gha ya họnmwẹ awua orukhọ ivbi Izrẹl hin rre, ọ ghi ya ẹe khian ne ọ huansẹ.

Levitikọs 4:17

Ọ ghi fi ikpinhianbọ ẹre yọ, ọ ghi sanmwẹ ọẹn ye odaro ukpọn onurho igba ihinrọn.

Levitikọs 8:11

Ọ keghi rhie vbe ori nii, ọ keghi sanmwẹ ọẹn igba ihinrọn yan aka kevbe emwi ne a ya ru emwi vbọ hia, deba ọkpan nọkhua kevbe emwi ne a mu ẹẹn yan, ne a miẹn ehe na ya ehia fi ohan ne Nọyaẹnmwa.

Nọmbas 19:4

Eliaza ghi rhie vbe esagiẹn ọnrẹn, ọ ghi ya ikpinhianbọ sanmwẹ ọẹn igba ihinrọn ghe odẹ Owa Ukpọn Ile,

Hibru 10:19

Rhunmwuda ọnii, etẹn mwẹ, vbe ekpa uwu ne Jesu wu, a fan obọ ẹre ne ima nẹ nian, ne ima wa gha la uwu Ehe Ne ọ Huan Sẹẹ Ehia nii.

Hibru 10:4

Rhunmwuda esagiẹn ẹmila kevbe ọghe ẹwe i sẹtin kpe orukhọ khua.

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

Hibru 9:13

Esagiẹn ẹwe kevbe ẹmila nii, kevbe emuẹn ese ne a giẹn uan nii, a ghi bọnmwẹ ọẹn yan iran ni ma huan vbe ọghe ilawo iruemwẹ ugamwẹ, ọ ghi ya iran khian ni huanrẹn zẹ vbe ọghe ilawo iruemwi ugamwẹ.

Hibru 9:21

Erriọ vbe nọ, Mosis keghi vbe miẹn esagiẹn yan Ọgua ukpọn nii, kevbe avbe emwi ne a lo vbe ẹghẹ ugamwẹ.

Hibru 9:25

Ogie Ohẹn a vbe Ju, uhukpa vbe ukpo ọre ọ la uwu Ehe Ne ọ Huanrẹn, irẹn kevbe esagiẹn aranmwẹ ne ọ mu mwẹ. Sokpan Kristi ma la evba ya ye egbe ẹre zọ ese kugba kẹghẹrẹ.

Hibru 9:7

Sokpan Ogie Ohẹn ọkpa ọre ọ la Ọgua ukpọn ne ọ ke uwu ẹre, uhukpa ọre ọ vbe ru vberriọ vbe ukpo. Ọ ghi mu esagiẹn mwẹ, ọnii ọre ọ ya zọ ese ne egbe ẹre, kevbe ye orukhọ ne emwa ni hia ru, vbe ne iran ma na rẹn.