Levitikọs 16:10 - Edo Bible (E Baibol Ẹdo) Version 1996

¹⁰ Ne a zọ ọre ọghe Azazẹl nii, a ghi mu ẹẹn gie Nọyaẹnmwa vbe ne a ma na gbe ẹe rua, a ghi zọrobọ ne ọ la ato bu Azazẹl ne ọ miẹn ehe na viọ orukhọ emwa nii gha rrie.

Levitikọs 16:10 ပူးပေါင်းရင်းမြစ်များ

Levitikọs 14:7

Ọ ghi sanmwẹ esagiẹn nii yan ọmwa ne a ra khuẹ hin emwirregbekẹn rre, igba ihinrọn, ọ ghi ta ẹe wẹ ẹ i ghi mwẹ awua. Ọ ghi sẹ ahianmwẹ ne a ma gbe nii rae ne ọ tin la oha gha rrie.

Levitikọs 16:8

Ọ gha sẹ evba, ọ ghi viọ okuta eva ya yan uta, a ghi ye ọkpa ru ama wẹẹ, “Ọghe Nọyaẹnmwa” ke nọkpa “Ọghe Ẹziza.”

Levitikọs 16:9

Errọn ghi ya ẹwe ne uta zẹẹ vbọ zọ ese ghe Nọyaẹnmwa, zẹ vbe ese orukhọ.

Ebe ne Pọl gbẹẹn gie emwa Rom 3:25

Te Osanobua yae ru ọmwa ẹse wẹ rhunmwuda uwu ẹre, ne irẹn do khian emwi ne a la ekpa ẹre ya orukhọ bọ emwa vbe iran a ya ẹe yi. Te Osanobua ye Kristi ru ẹse ne ọ ya ma emwa ẹre vbene irẹn ya ye emwa khian emwata vbe odaro ẹre hẹ. Vbe ẹghẹ ne ọ gberra, Osanobua keghi ziengbe, ọ ma vbe zẹ ye orukhọ ne emwa ne agbọn ru.

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

I Jọn 3:16

Vbene ima ya rẹn emwi ne aho ẹmwẹ ọmwa khin ọre ọ na khin: Kristi ya ẹdẹ agbọn rẹn fi ohan ne ima. Rhunmwuda ọnii, ọ te vbe kei khekherriọ ne ima gha ya ẹdẹ agbọn mwa fi ohan ne etẹn mwa.