Levitikọs 15:5 - Edo Bible (E Baibol Ẹdo) Version 1996

⁵ Ọmwa ne ọ rhirhi ya egbe kan ukpo ẹre.

Levitikọs 15:5 ပူးပေါင်းရင်းမြစ်များ

Psalm 26:6

Nọyaẹnmwa, mẹ kpe obọ mwẹ nẹ, ya rhie ma ighe I ma rukhọ. Mẹ ghi vbe gbe ukpukpẹ lẹga Ogiukpo ruẹ zẹ vbe emwi ugamwẹ.

Psalm 51:2

Khuẹ emwi dan mwẹ hia kua ne u vbe khuẹ mwẹ huan hin orukhọ mwẹ rre.

Psalm 51:7

Khiẹn orukhọ mwẹ hin rre mẹ gha huan, khuẹ mwẹ mẹ gha fua sẹẹ isonorhọ.

Ẹksọdọs 19:10

E Mosis keghi tama e Nọyaẹnmwa vbene emwa nii kha hẹ, e Nọyaẹnmwa keghi tama e Mosis wẹẹ, “Bu emwa nii gha khian ya tama iran ne iran mu egbe ugamwẹ ye otọ khẹ ẹrẹna kevbe ẹdẹ ne akhuẹ, ne iran họnmwẹ egbe ye otọ khẹ ugamwẹ. Wẹ ne irẹn họ ukpọn iran ne a miẹn wẹ,

Aizaia 1:16

Wa khuẹ, ne egbe uwa huan. Wa dobọ emwi dan ne imẹ miẹn ighe uwa ru na yi. Ẹn, wa dobọ emwi dan ne a ru yi,

Aizaia 22:14

E Nọyaẹnmwa ne Oghodua ne Udazi keghi tobọ ẹre gun mwẹ guan, ọ wẹẹ, “Ti ra ya emwi dan na bọ iran, iran te ya wulo. Mẹ ne Udazi ne Nọyaẹnmwa ne Oghodua, ọ re ọ tae.”

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Ezikiẹl 36:29

I gha miẹn uwa fan hin obọ emwi hia ne ọ mu awua ye uwa egbe rre. I gha tama avbe ọka ne ọ gha bun yọ ne ukhunmwu ghẹ ghi fi vbe ehe ne uwa ye ọvbehe.

Levitikọs 11:24

“Ọmwaikọmwa ne ọ ya obọ kan ikun avbe aranmwẹ na hia, gha khian ne awua gue ya sẹ ota, ọmwaikọmwa ne ọ vbe mu ikun iran, ọ ghi họ ukpọn rẹn sokpan awua ye guẹe ya sẹ ota: aranmwẹ ni mwẹ ihiẹn hia. sokpan a ma wẹ te ihiẹn ọnrẹn va ada, ọ ghi vbe gha hu emwi rre lue vbe unu, deba aranmwẹ ni mwẹ owẹ enẹ ni vbe mwẹ ihiẹn ni mu.

Levitikọs 11:32

Ikun iran gha vbe degbe emwikemwi, iran ghi vbe gha mwẹ awua. Te ọna wa sẹ egbe emwi hia, kevbe ne a ya erhan ru, ukpọn, ohian ẹkpo, emwi ne ọ khọn rẹn ne a gha ya ẹe ru. A ghi fi ẹe ye amẹ, sokpan ọ ghi gha re ne ọ mwẹ awua, ọ te ya sẹ ota.

Levitikọs 13:34

Vbe ikpẹde ne ogihinrọn, ohẹn ghi do dọlegbe ghe ẹtẹ nii, adeghẹ ọ ma vẹ, ọ ma vbe gberrie sẹ ikpakpa egbe ni lẹga ẹre, ọ ghi ta ẹe wẹ ẹ i mwẹ awua. Ọmwa nii ghi ya họ ukpọn rẹn, ọ ghi gha re ne ẹ i mwẹ awua.

Levitikọs 13:6

Ọ gha ghi sẹ ikpẹdẹ ne ogihinrọn, ohẹn ghi vbe dọlegbe ghe ẹre ghe vbe ikpẹdẹ ne ogihinrọn, a deghẹ ẹtẹ nii kakae vbe aro ighẹ ọ ma vẹ yọ, ọ ghi ta ẹe wẹ awua rhọkpa i guẹe, ẹtẹ kekan nọ. Ọmwa nii ghi họ ukpọn rẹn, ọ ghi gha re ne ẹ i mwẹ awua.

Levitikọs 14:27

Ọ ghi ya ikpinhianbọ obọ erha ọmwa rẹn miẹn eso vbọ ye evba nii vbe sirra Nọyaẹnmwa.

Levitikọs 15:18

Ọmwa gha gu okhuo ru emwi nẹ, ke irẹn kevbe nene okhuo ghi ya khuẹ, iran ghi gha re ne awua gue yasẹ ota.

Levitikọs 15:4

Ukpo ne ọ tota yi ra ne ọ lovbiẹ yi. Awua rrọọ.

Levitikọs 15:6

Ra ne ọ tota ye emwi ne ọmwa nii tota yi, ghi ya họ ukpọn rẹn, ọ ghi ya khuẹ, ọ ghi gha re ne ọ mwẹ awua ọ te ya sẹ ota.

Levitikọs 16:26

Ọmwa ne ọ khu ẹwe la ato gie Azazẹl nii ghi họ ukpọn irẹn, ọ ghi vbe khuẹ ọ te werriegbe la agọ.

Levitikọs 16:28

Ọmwa ne ọ giẹn iran uan, ghi ya họ ukpọn irẹn, ọ ghi khuẹ, ọ ke dọlegbe gha die agọ.

Levitikọs 17:15

Ọmwaikọmwa, ne ọ rri emiowo aranmwẹ ne ọ de wu, ra ne aranmwakọn gbe, ọ re ivbi Izrẹl nọ ra orhunmwuyẹn. ọ ghi họ ukpọn rẹn, ọ ghi khuẹ, ọ ghi ziengbe sẹ ota, a ke do kha ighẹ awua i ghi guẹe.

Nọmbas 19:10

Ọmwa ne ọ si emuẹn ni koko, ọ ghi họ ukpọn rẹn, sokpan awua ye guẹe ọ te ya sẹ ota. Emwamwa na, ọ ghe ẹdẹdẹmwẹdẹ nọ ne ivbi Izrẹl kevbe avbe erhunmwuyẹn ni rre uwu ẹbu iran.

Nọmbas 19:22

Emwikemwi ne ọmwa ne awua gue ye obọ kan, vbe khian ne awua ye, ọmwaikọmwa ne ọ vbe ya obọ kan rẹn khian ne awua gue ya sẹ ota.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.

Hibru 9:26

Akpawẹ erriọ nọ, ẹghẹ ni bun ọre ọ gha ya rri oya ke ne agbọn ya suẹn gha dee. Sokpan rẹn keghi ladian nian uhukpa ọghe ọfo vbe otọ, ne ọ do ya egbe ẹre zọ ese ya kpe orukhọ kua, vbe ẹghẹ na ne emwi hia ni rrọọ ghi na ye egbe rrie ufomwẹ.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.

I Samuẹl 20:26

Sokpan e Sọl ma zẹyọ ẹdẹrriọ, ọ kegha ro wẹẹ u gha ghe, “Emwi eso ọ re ọ ru ẹe, awua rre ọ re egbe.”