Levitikọs 15:31 - Edo Bible (E Baibol Ẹdo) Version 1996

³¹ E Nọyaẹnmwa keghi tama e Mosis wẹ ne ọ yan ma ivbi Izrẹl vbe ekpa ọghe emwi awua iran, ne iran ghẹ ya mu awua la Owa Ukpọn Ile, ne ọ rre adesẹneva agọ. Iran gha ru ẹe, a gha gbele iran an.

Levitikọs 15:31 ပူးပေါင်းရင်းမြစ်များ

Psalm 66:18

Akpawẹ te I ma zẹ ye ẹmwẹ orukhọ mwẹ, e Nọyaẹnmwa i ghẹ họn erhunmwu mwẹ.

Ezikiẹl 23:38

Ẹ i re ọnii ọkpa ọ re iran ru, iran vbe ru awua ye Ọgua Osa mwẹ, iran keghi vbe rraa iyi Ẹdẹ Ikẹtin ne imẹ mu gbọ.

Ezikiẹl 36:17

“Ovbi ọmwa ẹghẹ ne avbe ivbi Izrẹl na gha rre otọe iran, iran keghi ya emwi ne iran ru kevbe uyinmwẹ iran mu awua ye otọe nii, I keghi ghe uyinmwẹ ne iran yin zẹ vbe emwi ne awua ye zẹ vbene ọ rre egbe okhuo ne ọ mu obọ mwẹ.

Ezikiẹl 44:23

“Avbe ohẹn ghi gha ma emwa mwẹ alughaẹn ne ọ rre emwi nọhuanrẹn ke ne ọ ma huan, kevbe emwi ne ẹ i mwẹ awua.

Ezikiẹl 5:11

Rhunmwuda ọnii, zẹ vbe Osanobua ne ọ rrọọ ne imẹ khin, vbenian ọ re e Nọyaẹnmwa ne Udazi khare, rhunmwuda ne uwa na ye avbe emwi dan ni hu ẹko ne uwa ru mu awua ye Ọgua Osa mwẹ, I gha giagia uwa gbotọ vbe ne a i na mwẹ itohan.

Daniẹl 9:27

Ọmwa ne ọ rre asẹ nii gha gu emwa nibun ke ọta ne ọ deziẹn la ukpo ihinrọn, a ghẹ ghi wa ẹghẹ ne a kha na ye ihe eva nẹ, ọ gha wẹ ne a dobọ ese ne a zọ kevbe izọhẹ yi. A gha ya mu Emwikhọ Ugborrirri. Ye ehe ne ọ mwẹ uyi sẹẹ vbe Ọgua Osa, ọ ghi vbe gha rre evba ọ te do sẹ ẹghẹ ne ọ gha ya rri ọghọe fo zẹ vbene Osanobua mwamwa khẹ ọre.”

Levitikọs 11:47

Wa ghẹ mianmian ne a gha rẹn alughaẹn ne ọ rre emwi ne awua ye kevbe nẹ i ye, aranmwẹ ne ọ kere ne a gha re kevbe ne ọ ma ke ne a gha re.

Levitikọs 13:59

Emwamwa vbe ekpa irhunrhun ne ọ rre ukpọn, ọre eto ohuan nọ ra eto ovbiohuẹ, ra ehe ne ọrhirhi gha ye vbe eto ohuan, ra eto ovbiohuẹ ra emwikemwi ne a ya ohian ẹmila ru, ọre ọna khin.

Levitikọs 15:32

Ena ọrọre emwamwa vbe ekpa ọmwa ne egbe ẹre tue ra ne ọ miẹn eku ladian.

Levitikọs 19:30

Wa gha ru ugamwẹ Ẹdẹ ikẹtin, wa vbe gha ya ọghọ ne owa ukpọn mwẹ ne ọ huanrẹn. Mẹ ọ re Nọyaẹnmwa.

Levitikọs 20:3

Rhunmwuda ọ rhie vbe avbe ivbi ẹre ne Milkọm, ọ keghi mu awua ye Owa Ukpọn mwẹ ne ọ huanrẹn, ọ kevbe fa emwi mwẹ ne ọ huanrẹn uan. I gha mu aro da ẹre, I i ghi ra vbe ka ẹe ba avbe emwa mwẹ.

Levitikọs 21:23

Sokpan a ghẹ gie ẹe sikẹ ukpọn onurho nọhuanrẹn ni rre ne ọ sikẹ aka, rhunmwuda mẹ ọ re Nọyaẹnmwa, mẹ ọ re ọ vbe ya iran khian nihuanrẹn.”

Nọmbas 19:13

Ọmwaikọmwa ne ọ yobọ kan orinmwi, ọ na ma khuẹ egbe ẹre huan, khian ne ọma huan rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba emwa Osanobua.

Nọmbas 19:20

Ọmwaikọmwa ne awua gue, ne ọ ma khuẹ egbe ẹre huan, awua wa ye guẹe, rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba ivbi Osanobua.

Nọmbas 5:3

Viọ emwa ni hia ne awua gue na ladian, ne iran ghẹ ya mu awua ye agọ nii, ehe ne I na gu emwa mwẹ rrọọ.”

I Kọrinti 3:17

Rhunmwuda ọnii, ọmwaikọmwa ne ọ mu owa Osanobua rhia, Osanobua gha vbe mu ẹn rhia. Rhunmwuda emwi ne ọ huanrẹn ọre owa Osanobua khin, owa ẹre ọre uwa tobọ uwa khin.

Diuteronomi 24:8

“Adeghẹ te uwẹ khuọnmwi emianmwẹ ikpakpa ne ọ gie ọmwa na hẹẹ, miẹn wẹ u ru zẹẹ vbene avbe ohẹn e Livai tama ruẹn, wa rhie owẹ lele igiodẹ iran zẹ vbene I rhie ne iran.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.

I Samuẹl 3:14

Rhunmwuda ọnii, I keghi tua unu mu ẹẹn tama ẹgbẹe Elai wẹẹ, izọese ra izẹọhẹ ọkpa ne ọ gha sẹtin khian emwi ne ọ ra ke orukhọ dan na ikian hin rre, ẹ i rrọọ.”