Levitikọs 15:29 - Edo Bible (E Baibol Ẹdo) Version 1996

²⁹ Vbe ikpẹdẹ nogierẹnrẹn, ọ ghi viọ idu eva ra elikhukhu eva bu ohẹn gha rriẹ onurho Owa Ukpọn Ile.

Levitikọs 15:29 ပူးပေါင်းရင်းမြစ်များ

Levitikọs 12:6

Ẹghẹ akpehuan rẹn ghẹ ghi gba nẹ ọre ọghe ọmọ okpia nọ ra ọmọ okhuo, ọ ghi mu ovbi ohuan ne ọ rre ukpo ọkpa bu ohẹn gha die onurho Owa Ukpon Ile ne a ya zọ ese ne agiẹn uan, ke vbe elikhukhu ra idu ne a ya zọ ese orukhọ.

Levitikọs 12:8

A deghẹ obọ okhuo nii ma gba ohuan, ọ ghi viọ idu eva ra elikhukhu gha dee, ọkpa ne a ya zọ ese na giẹn uan kevbe ọkpa ọghe izọ ese orukhọ. Ohẹn ghi ru emwi ne a ru yọ ne a ya kpe awua ẹre kua, ọ ghi do gha re ne ẹ i mwẹ awua.

Levitikọs 15:14

Vbe ikpẹdẹ nogierẹnrẹn, ọ ghi viọ idu eva ra elikhukhu eva gha rrie onurho Owa Ukpọn Ile, ọ ghi viọ iran ne ohẹn.

Levitikọs 15:28

Utuemwẹ gha ghi dobọ yi nẹ, ọ ghi ye mudia la ikpẹdẹ ihinrọn, iyeke ọnii, ọ ghi do khian ne awua i ghi gue.

Levitikọs 15:30

Ohẹn ghi gbe ọkpa vbọ zẹ vbe izọese orukhọ, ke nọkpa zẹ vbe izọese na giẹn uan. Odẹ vbenian ọre ọ gha na ru iruemwi akpehuan nẹẹn.

Levitikọs 9:1

Ẹdẹ ghi gba vbe a ru emwi ọghe a ye ọmwa ma ohẹn fo nẹ, e Mosis keghi tie Errọn kevbe ivbi ẹre ke iran kevbe avbe olotu Izrẹl.

Nọmbas 6:10

Vbe ikpẹdẹ nogierẹnrẹn, ọ ghi viọ; idu eva ra elikhukhu eva bu ohẹn vbe onurho Owa Ukpon Ile.

Matiu 21:12

Jesu keghi la uwu Ọgua Osa, ọ keghi khulo iran ni khiẹn kevbe ni dẹ ladian vbe Ọgua Osa. Ọ keghi ya eteburu iran ni rọ igho uhunmwu rhu kevbe ukhuerhe iran ni khiẹn elikhukhu.