Levitikọs 15:16 - Edo Bible (E Baibol Ẹdo) Version 1996

¹⁶ A deghẹ eku o re ọ ladian vbe egbe ọmwa, ọ ghi khuẹ egbe hia, ọ ghi gha re ne awua gue ya sẹ ota.

Levitikọs 15:16 ပူးပေါင်းရင်းမြစ်များ

Levitikọs 15:17

Emwikemwi ne a ya ukpọn ra ohian ru ne eku nii kharha yi, a ghi họ ẹre, ọ ghi gha re ne awua ye yasẹ ota.

Levitikọs 15:18

Ọmwa gha gu okhuo ru emwi nẹ, ke irẹn kevbe nene okhuo ghi ya khuẹ, iran ghi gha re ne awua gue yasẹ ota.

Levitikọs 15:5

Ọmwa ne ọ rhirhi ya egbe kan ukpo ẹre.

Levitikọs 22:4

“Vbe uwu avbe ivbi Errọn, a deghẹ a miẹn ne ọ khuọnmwi emianmwẹ ikpakpa egbe ra egbe ne ọ gin vbọ, a ghẹ gie ẹe re vbe uwu izẹọhẹ nihuanrẹn a te do miẹn wẹ awua i ghi guẹe. Ohẹn ne ọ rhirhi ya obọ kan emwi ne awua ye rhunmwuda ne ọ na dekan orinmwi ra ne eku ladian vbe egbe ẹre.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Diuteronomi 23:12

“Wa gha mwẹ ihe ọkpa ne ọ lahin agọ rre, ne uwa gha na ya gha ghughẹ vbe ọ gha khọn uwa.

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.

I Jọn 1:7

Sokpan deghẹ ma rre uwu uwanmwẹ zẹ vbene irẹn vbe rre uwu uwanmwẹ, ẹghẹ nii, ọre ima na gu egbe mu obọ, esagiẹn Jesu ne Ovbi ẹre ghi ye ima khian ne ọ huanrẹn hin orukhọ hia rre.