Levitikọs 15:13 - Edo Bible (E Baibol Ẹdo) Version 1996

¹³ A ghẹ ghi sinmwi ọmwa nii nẹ vbe egbe ne ọ gin nii, ọ ghi mudia nẹ la ikpẹdẹ ihinrọn, iyeke ọnii, ọ ghi ye amẹ ne a da sa vbe ẹzẹ họ ukpọn, ọ ghi vbe ya khuẹ, rẹn ghi do gha re nẹ i mwẹ awua.

Levitikọs 15:13 ပူးပေါင်းရင်းမြစ်များ

Ẹksọdọs 29:35

“Emwi ne I tama ruẹn na zẹẹ ọre u ra ru ne Errọn kevbe avbe ivbi ẹre. Ikpẹdẹ ihinrọn ọre u ra do ugie ne a ya ma iran ohẹn la.

Ẹksọdọs 29:37

U ghi ru ọna ẹdẹgbegbe la ikpẹdẹ ihinrọn, ẹghẹ nii aka ghi do huan fo fẹẹrẹ. Ọmwaikọmwa, ra emwikemwi ne ọ ghi dekan rẹn ghi miẹn ikuangbe rhunmwuda ẹtin uhuanmwẹ ọnrẹn nii.

Jerimaia 33:8

I gha khue iran huan hin orukhọ ne iran ru ghe mwẹ, I ghi vbe ya orukhọ kevbe isọtẹ iran bọ iran.

Levitikọs 14:10

Vbe ikpẹde nogierẹnrẹn, ọ ghi viọ ivbi ogho eva kevbe ovbi ohuan amwẹ ọkpa, iran ghi gha re ne ẹ i mwẹ okan, uwan irhuarhua isẹn ne a ya ofigbọn ọliv gbe, ke ẹe kevbe ukhiọnmwẹ ọgọ ọghe ofigbọn ọliv.

Levitikọs 14:8

Ọmwa nii ghi họ ukpọn rẹn, ọ ghi zẹ eto ẹre hia kua, ọ ghi ya khuẹ, ẹghẹ nii, ọ ghi do gha re ne ẹ i ghi mwẹ awua. Ọ sẹtin la uwu agọ sokpan, ọ ghi di owa ẹre ya ọ te sẹ ikpẹdẹ ihinrọn.

Levitikọs 15:28

Utuemwẹ gha ghi dobọ yi nẹ, ọ ghi ye mudia la ikpẹdẹ ihinrọn, iyeke ọnii, ọ ghi do khian ne awua i ghi gue.

Levitikọs 15:5

Ọmwa ne ọ rhirhi ya egbe kan ukpo ẹre.

Levitikọs 8:33

Wa ghẹ kpao vbe onurho Owa Ukpọn nii rre vbe ọwara ẹdẹ ihinrọn, a te do miẹn wẹ iruemwi ne a ya ye uwa rri ohẹn gba ẹe.

Levitikọs 9:1

Ẹdẹ ghi gba vbe a ru emwi ọghe a ye ọmwa ma ohẹn fo nẹ, e Mosis keghi tie Errọn kevbe ivbi ẹre ke iran kevbe avbe olotu Izrẹl.

Nọmbas 12:14

E Nọyaẹnmwa keghi wanniẹn wẹẹ, “Akpawẹ te erha ẹe ghi tu asẹn ye ọre aro vbo, ẹre te ọ gha ziengbe efaa ẹre la ikpẹdẹ ihinrọn. Rhunmwuda ọnii, wa rhie ẹre hin agọ rre la uzọla ọkpa, vbe iyeke ọnii, a sẹtin rhie ẹre werriegbe rre.”

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.