Levitikọs 14:8 - Edo Bible (E Baibol Ẹdo) Version 1996

⁸ Ọmwa nii ghi họ ukpọn rẹn, ọ ghi zẹ eto ẹre hia kua, ọ ghi ya khuẹ, ẹghẹ nii, ọ ghi do gha re ne ẹ i ghi mwẹ awua. Ọ sẹtin la uwu agọ sokpan, ọ ghi di owa ẹre ya ọ te sẹ ikpẹdẹ ihinrọn.

Levitikọs 14:8 ပူးပေါင်းရင်းမြစ်များ

II Krọnikol 26:21

Vbe ẹdẹ agbọn rẹn ni dekẹe, te Uzaia ghi gha re ọmwa ne awua gue rhunmwuda emianmwẹ nii. Ugbẹn vbe a ghi miẹn wẹ Ọgua Osa ẹ i ghi giee lao, Uzaia kegha rre owa obọ ẹre, a keghi miẹn ẹre iwinna ukpo ne ọ te ye hia. E Jotan ne ovbi ẹre kegha kha yan ẹvbo nii.

Ẹksọdọs 19:10

E Mosis keghi tama e Nọyaẹnmwa vbene emwa nii kha hẹ, e Nọyaẹnmwa keghi tama e Mosis wẹẹ, “Bu emwa nii gha khian ya tama iran ne iran mu egbe ugamwẹ ye otọ khẹ ẹrẹna kevbe ẹdẹ ne akhuẹ, ne iran họnmwẹ egbe ye otọ khẹ ugamwẹ. Wẹ ne irẹn họ ukpọn iran ne a miẹn wẹ,

Ẹksọdọs 19:14

E Mosis keghi tuorre vbe uhunmwu oke do vba emwa nii, ọ na wẹ ne iran mu egbe ugamwẹ. Iran keghi họ ukpọn iran.

Levitikọs 14:20

Ọ ghi ya ẹe, ke ẹe, kevbe izẹọhẹ ọka fi ohan vbe aka. Odẹ vberriọ ọre ohẹn gha ya ru iruemwi akpehuan, ọmwa nii ghi gha re ne ẹ i ghi mwẹ awua.

Levitikọs 14:9

Vbe ikpẹdẹ ne ogihinrọn, ọ ghi vbe dọlegbe zẹ eto, ẹtu, ifuẹn aro kevbe ehe ne eto ghi ye vbe egbe ẹre hia; ọ ghi họ ukpọn rẹn, ọ ghi khuẹ, ẹghẹ nii, ọ ghi do gha re ne ẹ i ghi mwẹ awua.

Levitikọs 15:13

A ghẹ ghi sinmwi ọmwa nii nẹ vbe egbe ne ọ gin nii, ọ ghi mudia nẹ la ikpẹdẹ ihinrọn, iyeke ọnii, ọ ghi ye amẹ ne a da sa vbe ẹzẹ họ ukpọn, ọ ghi vbe ya khuẹ, rẹn ghi do gha re nẹ i mwẹ awua.

Levitikọs 8:6

E Mosis keghi viọ Errọn ke ẹe kevbe ivbi ẹre rri odaro ne iran do khuẹ akhuẹ iruemwi.

Nọmbas 6:9

“A deghẹ ọmwa wa wu vbe udomwurri vbe ehe ne agbihiagha ye ighẹ ọ mu awua ye ọre eto ne ọ ya fi ohan, ọ ghi ziengbe la ikpẹdẹ ihinrọn, ọ ghi khiokhio eto kevbe ẹtu, ẹghẹ nii, ọ ghi do gha re ne ẹi mwẹ awua.

Nọmbas 8:7

sanmwẹ amẹ afọ yan iran, ne u wẹ ne iran zọ eto hin egbe iran hia rre fẹẹrẹ, ne iran vbe họ ukpọn iran. Ẹghẹ nii awua i ghi rre iran egbe.

Diuteronomi 21:12

U ghi rhie ẹre gha rrie owa, u ghi wẹ ne ọ zẹ eto kevbe ne ọ biẹnnẹ ihiẹn obọ ẹre kevbe ne

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.