Levitikọs 14:45 - Edo Bible (E Baibol Ẹdo) Version 1996

⁴⁵ A ghi dunmwu ẹn ruan, avbe okuta nii rrọọ kevbe erhan, kevbe emwi ne a ya siẹn, a ghi viọ ẹre hin ore ẹvbo rre gha rrie ehe ne awua ye.

Levitikọs 14:45 ပူးပေါင်းရင်းမြစ်များ

II Ọba 10:27

Ẹre iran na dunmwu ukhurhẹ kevbe nene aro ẹbọ, iran na ye aro ẹbọ nii khian owa isan, erriọ ọ ye ye do sẹ ẹdẹnẹrẹ na.

II Ọba 18:4

Ọ keghi guọghọ avbe ehe ne iran ni ga ẹbọ na gho ẹbọ iran, ọ keghi guọghọ orre okuta ni rrọọ ọ na vbe dunmwu amazẹ Asiẹrra ne ẹbọ ne okhuo sẹ otọ. Ọ kevbe guọghọe rua ighẹ ẹyẹn ne Mosis ya oze ru, ne iran gha tie ẹre Nehustan. Do sẹ ẹghẹ ne a kha na, te ivbi Izrẹl ye gha giẹn eturari vbe ya ya ọghọ ne ẹẹn.

Jerimaia 52:13

Ọ keghi giẹẹn Ọgua Osa sẹ otọ deba owa emwa ni hin usi hia ni rre Jerusalẹm.

Ezikiẹl 5:4

U ghi dọlegbe viọ ekherhe vbọ, viọ ẹre ku erhẹn ne u gie ẹe gien uan. Evba nii ọ re erhẹn ra ke mu la otọ Izrẹl hia.”

Levitikọs 14:41

Vbe iyeke ọnii, ọ ghi wẹ ne a khiakhia egbekẹn nii rre owa nii hia ne a ya hihiẹ emwi ne a bannọ vbọ ye ehe ne awua ye vbe a gha ladian ore ẹvbo nẹ.

Levitikọs 14:46

Ọmwaikọmwa ne ọ la owa nii vbe ẹghẹ ne a na khui ẹre, ghi gha re ne awua gue ọ te ya sẹ ẹghẹ ota.

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.

Matiu 24:2

Rẹn khama iran wẹẹ, “Erriọ nọ, wa ma dẹghe emwi na hia, ne I tama uwa, okuta ọkpa ne a ra sẹrae ye ihe ẹre, ẹ i rre emwa na, te a ra guọghọ ehia sẹ otọ.”

Arhie Maan 11:2

Sokpan ghẹ ka iran ni rre iba ore yọ. Ghẹ mwa iran, rhunmwuda, a zẹ iran obọ ne iran ni ma yayi nẹ, iran ni gha do gbe ọgọlọbọ vbe uwu Ẹvbo Ne Ọ Huanrẹn la uki eva yan iyeva.