Levitikọs 14:43 - Edo Bible (E Baibol Ẹdo) Version 1996

⁴³ A deghẹ irhunrhun vbe dọlegbe la owa nii, iyeke vbe a munọ okuta nii hin rre nẹ, a kevbe vbe khiakhia egbekẹn, ne a na vbe dọlegbe siẹn.

Levitikọs 14:43 ပူးပေါင်းရင်းမြစ်များ

Ezikiẹl 24:13

E Jerusalẹm, uyinmwẹ alama ruẹn mu awua yuẹ egbe nẹ. A gha rhe miẹn ighe I te gha ho ne I họnmwẹ uẹn egbe, awua ye gue uẹ. Awua i ra lahin ruẹn egbe rre ọvbehe rhinrin obọ ohu mwẹ te do daa ẹsẹse.

Levitikọs 14:42

A ghi ya okuta ọvbehe rọ ne a viọ hin rre, a ghi ya ekẹn ọvbehe siẹn ighẹ egbekẹn nii.

Levitikọs 14:44

Ohẹn ghi gha khian ya ghe ẹre, a deghẹ ọ vẹe, owa nii mwẹ awua.

Levitikọs 14:48

Ohẹn gha rre do ghe ẹre, a na miẹn wẹ irhunrhun nii ma ghi dọlegbe ladian iyeke vbe a ghi dọlegbe sin owa nii nẹ, ọ ghi ta ẹe wẹ awua i ghi rre owa nii, rhunmwuda a wabọ irhunrhun nii uan nẹ.

II Pita 2:20

Rhunmwuda, deghẹ ọmwa sẹtin lẹ fe nẹ vbe obọ avbe ẹtin ne ọ sẹtin gbe ọmwa ruan, vbe agbọn na, vbe ekpa ne ọ na rẹn Nọyaẹnmwa kevbe Ọmiọnmwafan mwa Jesu Kristi, a na miẹn wẹ obọ iran vbe dọlegbe vba ẹre, obọ iran na vbe gba ẹre egbe ihe ne ọmwa nii ghi ye keghi re ne ọ rhia sẹẹ ne ọ te ka gha ye vbe omuhẹn.

II Pita 2:22

Emwi ne ọ sunu vbe egbe iran, keghi rhie maa wẹ ẹmwata ọ re itan ni khin ne ọ kha re wẹ, “Ekita dọlegbe gha rri ekpa ne ọ kpae,” kevbe wẹ, “Esiebo dọlegbe ya ye egbe fuẹn ọrho vbe a khuẹ ọre nẹ.”

Ebe ne Jud gbẹẹn 1:12

Iran ye vbe ehe ne ọ gbe iruẹn vbe ehe ne ima na rri evbare ivbiotu mwa, rhunmwuda evbare ọzuọ ọghe ifaegbe ua, iran. Ẹgẹn iran ọkpa ọre iran gua yi. Iran ye vbe ubimwẹ amẹ ne ẹhoho mu khian, amẹ ọnrẹn i rhọ. Iran yevbe erhan ne ẹ i mọ, ọ gha khọn rẹn ne ọ gha re ẹghẹ orhọ, erhan ne a vu ẹre uhe mu fua nẹ, ne ọ wa wu fẹẹrẹ.