Levitikọs 14:41 - Edo Bible (E Baibol Ẹdo) Version 1996

⁴¹ Vbe iyeke ọnii, ọ ghi wẹ ne a khiakhia egbekẹn nii rre owa nii hia ne a ya hihiẹ emwi ne a bannọ vbọ ye ehe ne awua ye vbe a gha ladian ore ẹvbo nẹ.

Levitikọs 14:41 ပူးပေါင်းရင်းမြစ်များ

Aizaia 65:4

Ẹdẹ gha mu nẹ, iran ghi gha lele avbe uvun okuta kevbe idin khian, ya gha gualotọ emwi vbe obọ orhiọn emwa ni wulo nẹ. Iran rri emiowo esiebo, iran ghi vbe rri uwọnmwẹ emiowo ne iran ni ga ẹbọ ya zọ ese.

Ezikiẹl 26:4

Iran gha dunmwu ekẹn ne a gbe lẹga ẹvbo ruẹ, iran ghi vbe siẹn avbe owa ọkhẹ ruẹ ni yo sotọ. Ẹghẹ nii, mẹ gha do kpolo avbe ebubẹ ni rrọ hia kua, I ghi sẹ avbe okuta ne emwi rhọkpa ma degue rae.

Levitikọs 14:40

Ọ ghi wẹ ne a mu okuta ne a na miẹn irhunrhun nii ladian ne a ya mu ẹẹn fi ehe ne awua ye vbe a gha ladian ore ẹvbo nẹ.

Levitikọs 14:42

A ghi ya okuta ọvbehe rọ ne a viọ hin rre, a ghi ya ekẹn ọvbehe siẹn ighẹ egbekẹn nii.

Levitikọs 14:45

A ghi dunmwu ẹn ruan, avbe okuta nii rrọọ kevbe erhan, kevbe emwi ne a ya siẹn, a ghi viọ ẹre hin ore ẹvbo rre gha rrie ehe ne awua ye.

Matiu 24:51

Arowa ẹre gha giagia ẹre ukhiọnmwẹ ukhiọnmwẹ, ọ ghi ru ẹre emwi ne ọ ma ẹwobi. Evba ọ ra na ya gha viẹ, ọ ghi vbe gha rri akọn.

Matiu 8:28

Jesu keghi fian odighi rra gha rrie ẹvbo Gadara. Arhiẹn eva keghi ke uwu uvun okuta ni rre itẹ ladian bu ẹre gha dee. Iran na mwẹ orhiọn esu. Iran khọ sẹrriọ wẹ a i ghi miẹn ne ohan giee la odẹ ni.

I Timoti 1:20

Ne usun iran ye ighẹ Haimẹnọs kevbe Alẹkzanda, emwa ne I silo yan ẹtin e Setan obọ ne a miẹn ehe na ma iran emwi, ne iran ghẹ gha niẹn ukpẹ ghe Osanobua.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.