Levitikọs 14:32 - Edo Bible (E Baibol Ẹdo) Version 1996

³² Ọna ọrọre uhi ne ọmwa ne ọ khuọnmwi emianmwẹ ikpakpa egbe ne ọ mu ohan, sokpan nẹ ẹ i ra sẹtin hae vbene a fian yọ zẹẹ vbe ọghe akpehuan rẹn.

Levitikọs 14:32 ပူးပေါင်းရင်းမြစ်များ

Psalm 136:23

Ọ ma mianmian mwa vbe a khọn miẹn ima otọ, etẹbitẹ ọ re ahoẹmwọmwa rẹn khin.

Levitikọs 13:2

De ghẹ ọmwa mwẹ ẹtẹ vbe egbe, uruvba ra emwi nọ hinmwiaẹn ne ọ gha sẹtin do khian emianmwẹ ikpakpa egbe ne ọ mu ohan, a ghi rhie ẹre bu ohẹn Errọn gha dee.

Levitikọs 13:59

Emwamwa vbe ekpa irhunrhun ne ọ rre ukpọn, ọre eto ohuan nọ ra eto ovbiohuẹ, ra ehe ne ọrhirhi gha ye vbe eto ohuan, ra eto ovbiohuẹ ra emwikemwi ne a ya ohian ẹmila ru, ọre ọna khin.

Levitikọs 14:10

Vbe ikpẹde nogierẹnrẹn, ọ ghi viọ ivbi ogho eva kevbe ovbi ohuan amwẹ ọkpa, iran ghi gha re ne ẹ i mwẹ okan, uwan irhuarhua isẹn ne a ya ofigbọn ọliv gbe, ke ẹe kevbe ukhiọnmwẹ ọgọ ọghe ofigbọn ọliv.

Levitikọs 14:2

Vbene a gha ya gha ru ẹmwẹ ọmwa na a sinmwi hin emianmwẹ ikpakpa egbe ne ọ mu ohan hẹ, vbe ẹdẹ ne a ra ta ẹe ighẹ awua ighi guẹe, a ghi rhie ẹre bu ohẹn gha dee.

Levitikọs 14:21

Deghẹ ovbiogue ọre ọmwa nii khin ighẹ obọ ẹre i gba gberra ọnii ọ ghi mu ovbi ogho ọkpa kẹkan gha die akpehuan ọghọe zẹ vbe izẹọhẹ a hae werriegbe, emwi ihaoko kpataki ọghe Nọyaẹnmwa ne avbe ohẹn, ọ ghi mu uwan eva kẹkan ọghe irhuarhua ne a ya ofigbọn ọliv gbe, zẹ vbe izẹọhẹ ọka deba ukhiọnmwẹ ọgọ ọghe ofigbọn ọliv.

Levitikọs 14:31

Zẹ vbe izọese orukhọ, kevbe nọkpa zẹ vbe izọese ese na giẹn uan, deba ihaoko ọka. Odẹ vberriọ, ohẹn ghi ru iruemwi akpehuan.

Levitikọs 14:33

E Nọyaẹnmwa keghi tama e Mosis kevbe Errọn wẹẹ,

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.