Levitikọs 14:30 - Edo Bible (E Baibol Ẹdo) Version 1996

³⁰ Iyeke ọnii, ọ ghi gbe ọkpa vbe uwu idu ra elikhukhu nii.

Levitikọs 14:30 ပူးပေါင်းရင်းမြစ်များ

Levitikọs 12:8

A deghẹ obọ okhuo nii ma gba ohuan, ọ ghi viọ idu eva ra elikhukhu gha dee, ọkpa ne a ya zọ ese na giẹn uan kevbe ọkpa ọghe izọ ese orukhọ. Ohẹn ghi ru emwi ne a ru yọ ne a ya kpe awua ẹre kua, ọ ghi do gha re ne ẹ i mwẹ awua.

Levitikọs 14:22

Ọ ghi vbe viọ idu ra elikhukhu eva rre, ọkpa ọghe izọese orukhọ, nọkpa ọghe ese na giẹn uan.

Levitikọs 14:29

Ọ ghi mu ofigbọn ne ọ ghi ke ẹe vbe atataobọ ẹre rhurhẹ ye ọmwa nii uhunmwu, odẹ vberriọ, ọ ghi ru iruemwi akpehuan.

Levitikọs 14:31

Zẹ vbe izọese orukhọ, kevbe nọkpa zẹ vbe izọese ese na giẹn uan, deba ihaoko ọka. Odẹ vberriọ, ohẹn ghi ru iruemwi akpehuan.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.

Iyẹn ne ọ Maan Ọghe Luk 2:24

Iran keghi vbe ya ye idu eva ra elikhukhu eva giẹrẹ zọ ese zẹ vbene uhi Nọyaẹnmwa kha re.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.