Levitikọs 14:3 - Edo Bible (E Baibol Ẹdo) Version 1996

³ Ohẹn ghi rhie ẹre lahin agọ rre ya ghe ẹre egbe. A deghẹ emianmwẹ nii fo,

Levitikọs 14:3 ပူးပေါင်းရင်းမြစ်များ

II Ọba 5:14

Ẹre Naaman na gha rrie Jọdan, ọ na dinmwi ye uwu ẹre igba ihinrọn vbene Elaisia wẹ ne ọ ru ẹe, egbe keghi wa rran rẹn giẹnrẹn. Efun egbe ẹre keghi deziẹn, emianmwẹ i ghi rrọọ, ọ kegha ye zẹ vbe ne ọghe ọmobọ ye.

II Ọba 5:3

Ọ ghi sẹ ẹdẹ okpa, ọmọ okhuo nii tama arowa ẹre wẹẹ, “Vbe ọ rrọọ nian wẹ arowa mwẹ gha sẹtin gha rrie ọghe akhasẹ ne ọ rre Sameria! Ọ gha gbe ẹre emianmwẹ na.”

Job 5:18

Osanobua ọ re ọ vbe gba ẹwẹn ne irẹn fiaẹn. Obọ ẹre gha kuan ruẹn, obọ ẹre ọ vbe sinmwi uẹn.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Levitikọs 13:2

De ghẹ ọmwa mwẹ ẹtẹ vbe egbe, uruvba ra emwi nọ hinmwiaẹn ne ọ gha sẹtin do khian emianmwẹ ikpakpa egbe ne ọ mu ohan, a ghi rhie ẹre bu ohẹn Errọn gha dee.

Levitikọs 13:46

Ẹghẹ ne ọ ya gha khuọnmwi emianmwẹ, awua gue ẹe, rẹn ọkpa vbe ẹhi ẹre ghi ya gha rre agọ ne ọ ma sikẹ ehe ne emwa nekpa ye.

Levitikọs 14:48

Ohẹn gha rre do ghe ẹre, a na miẹn wẹ irhunrhun nii ma ghi dọlegbe ladian iyeke vbe a ghi dọlegbe sin owa nii nẹ, ọ ghi ta ẹe wẹ awua i ghi rre owa nii, rhunmwuda a wabọ irhunrhun nii uan nẹ.

Matiu 10:8

Wa mu iran ni khuọnmwi egbe rran, huẹn iran ni wulo kpaegbe, wa khue avbe ekhọnmwoti huan, wa khulo avbe orhiọn esu ladian. Te a rhie ne uwa ọghe ọhẹ, ọhẹ ọre uwa vbe rhie ẹre ne emwa ọvbehe.

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Iyẹn ne ọ Maan Ọghe Luk 4:27

Ọkhọnmwoti wa vbe bun vbe Izrẹl vbe ẹghẹ Elaisia ne akhasẹ, sokpan ọkpa ne a sinmwi i rrọọ gberra Naaman ne ovbi e Siria.”

Iyẹn ne ọ Maan Ọghe Luk 7:22

Rẹn keghi wanniẹn tama emwa ne Jọn gie wẹẹ, “Wa ya tama e Jọn emwi ne uwa họn ẹn kevbe ne aro uwa sẹe, avbe arhuaro bẹghe odẹ, avbe uke khiaẹn, a khue avbe ọkhọnmwoti huan, ayin ehọ họn ẹmwẹ, a huẹn ni wu kpaegbe vbe orinmwi, a kpe orhu Iyẹn Ne ọ Maa ma avbe ivbiogue.