Levitikọs 14:28 - Edo Bible (E Baibol Ẹdo) Version 1996

²⁸ Ọ ghi sa vbe ofigbọn nii lele dọmwadẹ ehe ne ọ vbe rhie esagiẹn ọnrẹn lele, etọghọ ehọ obọ erha ọmwa, ikpinhianbọ ne ogie obọ erha ọmwa, kevbe ikpinhianwẹ ne ogie obọ erha ọmwa ọghe ọmwa nii.

Levitikọs 14:28 ပူးပေါင်းရင်းမြစ်များ

Ẹksọdọs 29:20

Gbe ẹe ne u rhie vbe esagiẹn ọnrẹn, u ghi ya ẹe kan etọghọ ehọ obọ erha ọmwa ọghe Errọn kevbe avbe ivbi ẹre, kevbe ikpinhianbọ nogie, kevbe ikpinhianwẹ nogie ọghe owẹ erha ọmwa iran, u ghi mu ni dekẹe vbọ rhurhẹ lele igienenẹ aka.

Levitikọs 14:27

Ọ ghi ya ikpinhianbọ obọ erha ọmwa rẹn miẹn eso vbọ ye evba nii vbe sirra Nọyaẹnmwa.

Levitikọs 14:29

Ọ ghi mu ofigbọn ne ọ ghi ke ẹe vbe atataobọ ẹre rhurhẹ ye ọmwa nii uhunmwu, odẹ vberriọ, ọ ghi ru iruemwi akpehuan.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.

Levitikọs 8:23

E Mosis keghi gbe ẹe, ọ na rhie vbe esagiẹn ọnrẹn ye etọghọ ehọ ọghe obọ erha ọmwa Errọn, ke ikpinhianbọ ne ogie ọghe obọ erha ọmwa kevbe ikpinhianwẹ ne ogie ọghe owẹ erha ọmwa.