Levitikọs 14:21 - Edo Bible (E Baibol Ẹdo) Version 1996

²¹ Deghẹ ovbiogue ọre ọmwa nii khin ighẹ obọ ẹre i gba gberra ọnii ọ ghi mu ovbi ogho ọkpa kẹkan gha die akpehuan ọghọe zẹ vbe izẹọhẹ a hae werriegbe, emwi ihaoko kpataki ọghe Nọyaẹnmwa ne avbe ohẹn, ọ ghi mu uwan eva kẹkan ọghe irhuarhua ne a ya ofigbọn ọliv gbe, zẹ vbe izẹọhẹ ọka deba ukhiọnmwẹ ọgọ ọghe ofigbọn ọliv.

Levitikọs 14:21 ပူးပေါင်းရင်းမြစ်များ

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Itan 17:5

U gha ya ivbiogue gbe ogiẹ, te u zan Osanobua ne ọ yi iran. A gha rri uwẹ oya adeghẹ te uwẹ ghọghọ ye emwi ne ọ rruan ọmwa ọvbehe.

Itan 22:2

Emwi ne ọdafẹn kevbe ovbiogue ma mwẹ sẹ egbe ọrọre wẹ e Nọyaẹnmwa ọ re ọ yii iran eveva.

Ezikiẹl 46:7

“Ọ ghi mu ukhiọnmwẹ adanna ọka lele ẹkhuia ẹmila ọkpọkpa kevbe ogho ọkpọkpa rre. Emwi ne ọ rhirhi khọn ovbiọba ọ re ọ gha mu lele dọmwadẹ ovbi ohuan rre. A ghi mu ekuiyẹ nọkhua eha ọghe ofigbọn oliv lele dọmwadẹ ukhiọnmwẹ; adanna ọka rre do ya gha mu ohan.

Levitikọs 1:14

“A deghẹ ahianmwẹ ọre ọmwa ra ya zọ ese ne a giẹn uan, ọ ghi gie ẹe gha re idu ra elikhukhu.

Levitikọs 12:8

A deghẹ obọ okhuo nii ma gba ohuan, ọ ghi viọ idu eva ra elikhukhu gha dee, ọkpa ne a ya zọ ese na giẹn uan kevbe ọkpa ọghe izọ ese orukhọ. Ohẹn ghi ru emwi ne a ru yọ ne a ya kpe awua ẹre kua, ọ ghi do gha re ne ẹ i mwẹ awua.

Levitikọs 14:10

Vbe ikpẹde nogierẹnrẹn, ọ ghi viọ ivbi ogho eva kevbe ovbi ohuan amwẹ ọkpa, iran ghi gha re ne ẹ i mwẹ okan, uwan irhuarhua isẹn ne a ya ofigbọn ọliv gbe, ke ẹe kevbe ukhiọnmwẹ ọgọ ọghe ofigbọn ọliv.

Levitikọs 14:22

Ọ ghi vbe viọ idu ra elikhukhu eva rre, ọkpa ọghe izọese orukhọ, nọkpa ọghe ese na giẹn uan.

Levitikọs 27:8

A deghẹ ọmwa nọ ve emwi nii ru ovbigue gbe ighẹ ẹ i sẹtin ha ive nii, a ghi rhie ọmwa nii bu ohẹn gha dee, ohẹn ghi fian ẹn sikẹ otọ zẹ vbene obọ ọmwa nii gha sẹ ọe ya hae.

Levitikọs 5:11

“A deghẹ obọ ọmwa ma gba idu eva ra elikhukhu eva, ọ ghi mu uwan irhuarhua ọkpa rre ne ọ ya zọ ese ye orukhọ. We ne ọ ghẹ sa ofigbọn ọliv yọ ra eturari, rhunmwuda ẹ i re izọhẹ ọghe ọka sokpan izọhẹ orukhọ nọ.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.

Iyẹn ne ọ Maan Ọghe Luk 6:20

Jesu keghi ghe avbe erhuanegbe ẹre, ọ wẹẹ: “Ọ maa ne uwa ne ivbiogue: Wa ọ yan Arriọba Osanobua.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

I Samuẹl 2:8

Ọ tọn iran ne ẹ i mwẹ mu hin uwu usẹ iran rre. Ọ ya iran ru ihuan ivbi ọba, ọ keghi viọ iran ye ukpo uyi. E Nọyaẹnmwa ọ re ọ yan ẹyotọ agbọn na, uhunmwu iran ọ re ọ bọ agbọn yan.